नेपाल आमा ह्राङ्दा थाहा मुला 
जनयुद्धाला मिनरि, ग्यार्जा ग्यार्ज कोलाकादे ह्राङ्लान कुरि साइबा ।
१२ दिङ युद्ध तामा ह्राङ्लान कुरि काला स्योङ ब्योङ्बा । 
जामा दुइरि ह्राङ्ला जा जामे ल्हानान टुहुरो दोबा ।

नेपाल आमा ह्राङ्दा थाहा मुला 
जनयुद्धला दुइ कलम चुङ्तोबा यासे टुबाक चुङ्पुङजि ।
राज्य पक्ष थेन विद्रोही पक्ष बिसि, ज्योज्यो आले, नाना आङा छेबा साइबा तापुङजि ।
खाइ दान्ते नेपाल आमा ह्युलसे तिला याङजि ।
थे नोन् युद्धला पोरि थोरि ग्ले ठिम ब्याङ्बा गे ताजि ।
ग्ले ठिमदा ब्याङ्बारि ६२÷६३ रि आन्दोलन ताजि ।
जामा दुइरि नोन नेपाल आमा !
ह्राङ्लान कोलाकादे साइजि ।
निरंकुश ग्ले ठिमदा, थे दुइरि ब्याङ्जि ।
खाइ दान्ते नेपाल आमा ह्युलसे तिला याङ्जि ?
आयाङ्बा आहिन ह्युलसे वीर सहिद याङ्जि । 
थे गुङ्ला ल्हाना भ्रष्टाचारी, महंगी याङ्जि ।
अमेरिकी साम्राज्यवाद थेन भारतीय विस्तारवादला दलाल याङ्जि ।

नेपाल आमा ह्राङ्दा थाहा मुला
कुर्सी टिबा म्हि पोजि, ह्युल ठिम आपोजि ।
लोकतन्त्रला मिन लासि ताजि लुटतन्त्र ।
पुँजीवादी शासन ठिम च झन कोङसि निबा ।
पुँजीवादी शासन ठिमरि, खाइमादाम्मान ताला भ्रष्टाचार ।
होराङ तासि नेपाल आमा !
बादोला समाजवादी गणतन्त्र ।
दोसि लिच्छा, २०७२ दिङरि खाबा साङ्गुल । 
जामा दुइरिन ह्राङला कोला ल्हना ल्हाना साइबा । 
नेपाल आमा ह्राड्से म्राङ्जि ह्याङला सरकारला गे । 
भ्रष्टाचार ताजि खाबा जस्तापातारि ।
जामा दुइरिन ह्राङ्से म्राङ्जि, भारतसे लाबा नाकाबन्दी ।
खाइ ह्याङ्ला सरकार ? 
राष्ट्रसंघ निसिनाम ।
आखाम्नि पाङ्बारि नाकाबन्दी बिसिनाम ।

नेपाल आमा हङदा थहा मुला 
२०७७ दिङ्लाइ कोरोना ।
जामा दुइ ह्राङ्से म्राङ्जि ल्हाना कोलाकादे सिबा । 
कोरोनाला कारणसे जाम्बुलिङ नोन तामा लकडाउन । 
ह्याङ्ला नेपाल ह्युलसारि
ह्राङ्ला कोलाकादे नेपाल आमा
सिबाम सिसि निजि, छोन्बोदा ताजि कादे दुङाल ।
याम्बु शहर ख्लासि ह्राङ्लान नाम्सा दोबा ।
खालाइ खालाइ ह्युलबा १५÷२० रे काङ्से ब्रासि नाम्सा दिमरि दोबा ।

नेपाल आमा ह्राङ्दा थाहा मुला 
थे दुइरिन सरकारला गे ।
ह्राङ ह्राङ्ला पार्टीला कार्यकर्ता ल्हेसि फेसि उद्दार लाबा ।
न्हाबा छेबादा खाबा ह्राङ्ह्राङ टोटो भ्रष्टाचार लाबा ।

नेपाल आमा ह्राङ्दा थाहा मुला 
१२ दिङ युद्ध ह्राङ्लान कुरि ताबा ।
थे युद्धला पोर दान्दोना आफान्जि ।
एमसिसीला मतियारसे ह्राङ्ला सार्वभौमसत्ता, 
अमेरिकी साम्राज्यवाददा च्योल्पिन्जि । 
दोसिन लिच्छा नेपाल आमा !
म्हेनाङ सुङरि ताइकाजि नाम । 
ल्हानान ग्लारि निजि डुइ । 
दान्देन म्राङ्जि सरकारला गे । 
देन्बा पीडित क्राना लाजि 
कार्यकर्तादा ङेना लाजि ।