बस, चुह्राङबा चुह्राङबारिन निजि
तिर्यामला ल्हुइ ।
न्हा ब्रिबारि खाम्जि खाचिबाइ महान काब्य
न्हा ताबारि खाम्जि डोखेनला मिला नानि
न्हा याङखाम्जि वरिस्ठ समालोचकला लडप्यार
ह्राङलामि
बस चुह्राङबा चुह्राङबारिन निजि
मुतेबा ल्हुइ !
माया लाजि गिक्खे सामान्य म्हिसेह्राङ
चाबा थुङबा डुप्ना लाजि
चाचा–ब्रा ग्लुजि
पुरा जिम्मेवारिपुर्वक
मुतेबा बोमोजुगुतेन छ्याम
सहभागि तानिजि महङगिलिब्रोला जुलुसजुगुरि
कर्तव्य डान्छि दोजि मजदुर–हडतालजुगुरि ।
स्होबारि आखाम्नि
गिक्खे शान्त थेन आरामदायि डोखेन कक्षा
जब गिक्खे उत्कृस्ट ह्वाइखा
ब्रितोबा दुइ मुबा
थे बिसेस माउकारि नोन
ब्रिसि ब्राजि डेङनाङ नाराजुगु
जब ब्रितोबा मुबा
ह्राङला दुइला मोक्कोन बिमा चर्चित आख्यान
ब्रिसि ब्राजि हडतालसम्बन्धि पर्चा ।
बस, सामान्य नोन ताजि लिच्छादोना
जामाकोम ताजि चुह्राङबान असफल
ह्राङला मुतेबान बिलक्षन बुद्धि–बर्कतजुगु
मानवताला सेवारि फुल्जि
आसेम, दोबारि आखाम्नि महान ।
दारे ब्रिसेला आरे
खाजिबाइ गान्यमान्य ह्वाइखाब्रिखेनसे
गिक्खे दुङाल–ह्वाइ
ङा डोङबालिच्छा
बस, चुह्राङबान तासेला मुला
गिक्खे कठिन
ल्हुइ रापला
सुखान्त !
छिगला अर्थः स्हु– दुःख)
दो:बाः यकिना अगाध
तपाईको प्रतिक्रिया दिनुहोस