मोक्कोनला जा जामे दिमथेमेला म्हाङ थोसि म्हिला ह्युलरि निजि
ह्राङ्ला ह्युलरि गे स्होसि चिबा ग्याम आरेना म्हिला ह्युलरि निजि ।
एअरपोर्ट ग्याम फेमा ह्युल दिमथेमेला चेगाइसे मिख्लि ताइला
म्हिला ह्युलरि ग्याबा दोसि निदोमा कादे स्हु ताला ।
म्हिला ह्युलरि म्हिलान ठिम रेम्हुन आबिना गे स्होदोला
म्हिसे तिलादाम्मान पाङसाइ मिख्लि छुम्सि गे स्होदोला ।
चु दुइरि ह्राङ्लान दिम ह्युल डान्सि सेमरि दुङाल ताला
ह्युलरिन चिसि गे लाबा ग्याम तासाम चु सेम कादे ताङ्सेला ।
म्हिला ह्युलरि रा म्हे ह्राङ्लासि थान्मा कादे सेम क्रामुला
ह्राङ्से सेमसे म्हान्बाह्राङ आतामा कादे चु सेम स्हुखामुला ।
दिमथेमेला जिम्मेवारी बामरि थोसि खाबा म्हिला ह्युलरि
चुरि कादेन स्हु तासाइ ज्याबान मुला बिसि पाङ्मुला नाम्सारि ।
तिन्हाङ्गार मोक्कोनला जा जामे ह्राङ्ला ह्युल ख्लासि निदोजि
चु स्हुला ताम ह्युल्ल ठिमरि चिबा चोहोकादेसे आगोजि ।
खाइमादाम्मान ह्यङ्दा पिङ पासपोर्ट पिन्सि म्हिला ह्युलरि ताप्जिम
दारे ह्युलरि चिसि गे लाबा दुइ खाइमाइ आखानाम ।
ह्याङ्से टुला होन पुइसि गे लामा म्हिला ह्युल ङ्हाच्छा दोजि
चु ताम खाइमा गोला ब्योनकादेसे म्हिला ह्युल ङ्हाच्छा दोजि ।
दारे ब्योनकादेसे ह्राङ्लान ह्युलरि गे लाबा ग्याम स्होदोजि
ह्युल्ला ठिमरि चिबा दलालकादेदा मोक्कोन डिक्सि व्याङ्तोजि ।
घ्याङलेख गाउँपालिका वडा नं. ५ बुदुमचुली, सिन्धुली ।
छिगला अर्थः स्हु– दुःख, दुख्नु, रे– दिन,
तपाईको प्रतिक्रिया दिनुहोस