छिगजुगुसे चाल्ला, लुङ्सुरह्राङ मिचिला
सोंच आतिबा मस्तिष्कसे न्यायला मिन किन्ना । 
ह्राङ्लान क्रिपतेन थेनताआखाम्बासे 
स्यान्दोला ह्रिक्पाला तिगा क्योइताम लाला ?
ह्राङ्नोन दोपरि म्हाबा आत्मा
स्यान्दोला लिउदा तिगा ह्योल सोचतिला ? 
दुइ कुटिसि चिमुला, देन्बा पाङ्ला तिरेकुनु
न्यायला उमाल कुर्बा आरे खाइमाइ तिल्दा ? 
ङा ह्राङ्ला कर्मरि विश्वास लाला
ओम इमानदारीदा थोबोरि थान्ना । 
लिउरि दुङाल तासाइ नोन
संघर्ष थेन परिश्रमसे डाबा आँट मुला 
खालाइला समवेदना नोन किनआतोगाइ । 
मोलम पिन्तोबासे केबारि खाम्ला
तासाइ सेमग्याम कोन्ज्योसोम नोन ह्रिबास निजि कि ? 
संगत थेन सोच ख्योल्बातेन जोम्सि
चाचादा नोन प्राबा बिबा पोबा
वाहा जमाना ! वाह सोच !
ख्योल्बा सातान ख्योल्बान ताला
क्योङ्ला मिरि ज्याबा म्राङ्बारि ओम दोबारि म्हाइबा थे
मिथ्य थेन रेम्हाङ हिन्ना, थे आछ्यो । 
लुबासे पर्दा ल्हागाब लासि जेबा दोसाइ नोन
देन्बासे थारेङग्याम च्यासि ङेला
देन्बा काम्बा मुला तासाइ देन्बा अटल मुला । 
दुइ कुटिसि चिबा मुला, देन्बा पाङ्ला तिरेकुनु
देन्बा ज्याबा मुला, न्याय निशाफ चुसेन लाला । 
(छिगला अर्थः उमाल– तराजु, मिचिला– बल्झिरहन्छ, ह्रिक्पा– चरित्र, क्योइताम– मुल्याङ्कन, लिउ– भविष्य, मोलम– आशिर्वाद, केबा– सराप, ख्योल्बा– गलत, जोम्सि– मिसिएर, प्राबा– तितो, रेम्हाङ– दिवास्वप्न, लुबा– झुठ, ।)

दोःबा : यकिना अगाध