स्हुला पल गि नोन
युग गि च्योच्यो ताबाचिम, 
केवारि ल्हानान तोर,
मारजुगु खाजि निजि
प्रेरणाला स्रोतजुगु ल्हानान याङ्जि
केवाहेन्से ब्रेबारि आलोप्नि
दुइ परिस्थिति आन्सार
म्हिसे आम्हान्बा थेन
आनातोबा स्हेर नातोबा चिम, 
खाइमाइ आम्हान्बा थेन
पत्याप ताबारि आखाम्बा
पत्याइ आतिबा घटना 
केवारि घटप तानिजि
तासाइ हरेश आचाना ह्राङ्ला
संकल्प ह्रुप्सि जिम्मेवारि किन्बारि लोप्जि । 
ह्यार्बा नोन म्राङ्जि, लाबा नोन म्राङ्जि
मिलान ङोन्छाङ डोङ्बा याखारगि कठोर
यथार्थ दोसि दाराप्बा म्राङ्जि । 
लोङ्बा आहिन ह्राङ्ला म्हाना लातोबा पीर
बिजादुइदा डान्जि
आमाला ङ्हेला छे
आमाला टुला त्याग
छार जाम्बुलिङला सेमला प्लेन
म्हासि पुइबा सम्भावना
कादे अनमोल हिरा बिमा बहुमुल्य
दुइसेन स्होजि कोङ्बा 
छे मुला कोन्ज्योसोम ह्राङ्ला
खानाङ मुला तिनि ङा ह्राङ्ला देन हिन्ना
अनुग्रह ल्हानान याङ्साम ङा ह्राङ्लान ग्याम ब्राला । 

भारत ।
(छिगला अर्थः स्हु– दुःख, केवा– जीवन, तोर– आरोह, मार– अवरोह, स्हेर– पीडा, छे– कर्जा, ।)

दोःबा : यकिना अगाध