चुरि ह्राङ्ला ङोसेबा पाङ्बारि 
तिल्दा म्लेबाकेन मुला 
ह्याङ मोक्कोन ङोआसेबा मुला
तासाइ ह्याङ्ला आमाग्योइ नेपाली नोन हिन्ना । 
चु आउदिन चेमो सेम क्रास्यारि सातान चिबा
ह्याङ्ला नेपाली ग्योइदा आदर डेन लाइ । 
मोक्कोन ल्होलो लिरि खासाइ नोन
चु गाङ, ज्योमोगाङ, समाजरि क्लाङ्सि छार्बा हिन्ना
मुतेबा म्हिला का वालान हिन्ना बिमुला
ए ङा स्हु सुख किन्बा पिन्बा लासि
पाङ्बा ग्योइ नोन गिक्खेन हिन्ना
थेतासि ह्याङ मुतेबा नेपाली दोबारि गर्व लातोला
दाते लोप्खाङरि डोबा
लोप्बोनजुगुला दुइ चुह्राङ्बा मुला
‘अंकल ! ङादा नेपाली डोबा थेन ब्रिबारि आखा...’
चु ताम थेमा ह्याङ नेपाली ग्योइ चोमोदा
तिङरि काथेबा मुठेङ्ला
गोइलो नोन सिङ्ला बाकस न्हाङरि च्युपथान्बा मुला
ओन्मा लोक दोहोरी व्हाइ बिमा
दातेला डिजे व्हाइरिन स्याबा जेबा बिला
फुन्टिला ताल, सारङ्गी, मुरलीला काइ
दारेला संस्कृति गेताङरि थेम्याङ्ला ओम !
पुख्र्यौली छ्याम्बा, पातेला खुकु चाबारि ख्लाजि
साङाला गेङ थेन पोकोरि ह्रोबा माकाइ आरे
चु अमुल्य चाबास्हे मुतेबा म्लेबाकेन मुला
आमाला स्ह्यामा आङरेला चेगाइ
आपासे पिन्बा कर्म म्लेबाकेन मुला
डोपिन्जि, ब्रिबा लोपपिन्जि, काकार हिगि ङोसेना लाजि
माङ्ग्यारला चाबास्हेसे ह्राङ्ला भान्सा दिमला
ब्रोइखाबा चाबास्हे खेबाः दोजि बिला
सोला छाना थेन काङ्सा साप्रासे च्युर्बा दिम
चिबारि तिल्दा सेम आला ? 
चु आमा, आपासे संघर्ष लासि
जेना लाबा दिम हिन्ना
साताइ चेगाइ लाउ, सातान ज्याबा म्हि दोगो ।
थेतासि पुर्खाला सम्पत्तिदा
तिल्दा म्लेबाकेन मुला ?
अप्पर कम्जेट, टिस्टा भेल्ली, दार्जिलिङ, भारत ।

दोःबा : यकिना अगाध