आमा !
ए आरेमा केवान अधुरो मुला
रङ्गी विरङ्गी जाम्बुलिङ नोन मधुरो मुला
साजाम्बुलिङरि मोक्कोन बिमा नोबा ग्लारि ए
एला काइ आथेसाम जाम्बुलिङ नोन अपुरो मुला ।
आमा !
ए आरेमा केवान अधुरो मुला
रङ्गी विरङ्गी जाम्बुलिङ नोन मधुरो मुला
एसेम तोङ्जा चोटजुगु ह्राङन्हाङरि छुम्जि
दिमथेमेला गाङ ह्राङ्बा दोइजुगु
ङेसि बामरि थिजि
च्युकुरुक ताबा लिरि
उदासीला म्लाङ खासुसे
ल्हाप गाप्बा नोन
लाथानला नाङ्साल ह्राङ
ह्राङ क्रोसि ङान्दा ह्यालरि थान्जि
थेतासि आमा !
साजाम्बुलिङला मोक्कोन बिमा नोबा ग्लारि ए ।
टुसे बाम्बा एला पछ्यौरी
चेगाइला थुर्बासे ज्याबाथाङ दोजिम
कादे स्हुजुगु ख्वाइसि एसे
क्योङ्ला केवा ह्रुप्जिम
थेतासि आमा !
साजाम्बुलिङरि मोक्कोन बिमा नोबा ग्लारि ए ।
संघर्षला वानरि (बगैंचा)
चुनौतीजुगुतेन तोइसिकेन
पुजुकादेला गुङरि लिउ सजप लाजि
तिगाइ समस्याजुगुला गाङ क्रेसि
स्हेरजुगुतेन लेङ स्होजि
थेतासि आमा !
साजाम्बुलिङरि मोक्कोन बिमा नोबा ग्लारि ए
कोन्ज्योसोमला स्यान्दो लि ए हिन्ना आमा ।
लेबोङ, दार्जिलिङ, भारत ।
दोःबा : यकिना अगाध
तपाईको प्रतिक्रिया दिनुहोस