स्यारग्याम ज्युमङेबा लि थोसि फेबा दिनिसे
म्हिला छार जोश छ्यामरि छार उत्साहसे
मुरि ताङ्सि स्याबाकेन लाबा तार खासु
सेम ताङ्ना लाला दिङदाङ्से खाबा छार दिङ्से । 
क्राबाकेन लाबा प्रकृति नोन आउदिन ताङ्ला
चराजुगुसे ज्याबा काइरि व्हाइ कोबा नोन थेला
मुतेबा ऋतुजुगु गोल्छेसे थुम्सि निबाकेन मुला
तासाइ ऋतुजुगुला तिबासेन छार दिङ खाबाकेन मुला । 
लानि नोन च्याबारि खाबा छार दिङ तिबा
मु नोन चु दिङरि चकमन्न ताबा मुला
ताङ्ला ह्याङ सातान छार दिङरि ह्रोल्मोजुगु ह्राप्सिकेन
आनन्द किन्ना छार दिङरि प्रकृति सजप लासि । 
गाङ नोन ज्युमङेला छार दिङला ज्याबाथाङसे
साजाम्बुलिङ नोन ब्लाप्बा न्हाला छार दिङला आनन्दसे
मुस्कानला ज्याबा नाङ्साल म्राला प्रकृतिला पिङ्छ्युपसे
छार जोश थेन छार हौसला केना लाला चु छार दिङसे । 
बाघमारा बस्ती, दार्जिलिङ, भारत ।  

दोःबा : यकिना अगाध