म्हिसे ताले बिमुला
म्रिङ्कोलाला आरे तिलाइ राङला
ङाइ च्याबा दोक्साला म्हिगादे
म्रिङ्कोलाला लिसाङ ब्राबाला ।
आपाला दिमरि नोरग्युमा ङा
रेम्बाला दिमरि जिन्नाङ 
जाला दिमरि साब्जि आमा ङा ।
ङाग्याम ह्याङ्ला लाबारि
खालाइसे लाखाम्ला ?
आपाला दिमम ख्लासिनोन
स्यानदा चुङ्सि थान्बा ङा ।
गिकसे ङि ह्रुइरि पोबा ङा
तासाइ नोन आमा तासिनाम 
दुङाल न्हासि चिबा ङा ।
ह्युल आमानो म्रिङ्कोला हिन्ना
म्रिङ्कोला साब्जि आमा
म्रिङ्कोला चु जाम्बुलिङला
दोक्नोनला केबा आमा ।
फो ह्रुइ छोक्पारि
फोसेनदा न्हाबा सोबा लाबा
सेसि थानो चु फोसेनदा
म्रिङ्कोलासे फो पुइसि थान्बा ।
दोङ्बो दुइसे चु जाम्बुलिङ
ङाला काङ दिरि मुला
ङा आरेसाम चु जाम्बुलिङ 
दोक्नो आवाल्बा ताला ।

दोःबा : प्रदीप ब्लोन
डुबर्स, भारत ।