चु छारल्हो सोनाम ल्होछारला दुइसाङरि 
ह्याङ्ला ह्युलरि खाबा सोनाम ल्होछारला दुइसाङरि ।
जाम्बुलिङ क्योङ्नोन स्ह्युबा ज्योज्योआले नानाआङादा
चु छारल्हो सोनाम ल्होछारला ज्याबाम्हान्बा ।।

मोक्कोनला ल्हुइरि ज्याबा तासि निगाइ 
सेमसे म्हान्बाह्राङ तासि निगाइ ।
ल्हुइरि आज्याबा भारज्या खाइमाइ आतागाइ
ङ्हाच्छाला दिङरि तिला तासाइ चु छार दिङरि ज्याबा तागाइ ।।

ह्याङ्ला दिम नाम्सारि चुगे सोनाम ल्होछार 
ह्राङ्ला गोइलो रिमठिम गोसि चुगे सोनाम ल्होछार ।
ह्याङ ह्याङ्नोन डिक्सि दाङ्गे सोनाम ल्होछार
जाम्बुलिङ क्योङ्नोन छार्ना ल्हेना लादोला सोनाम ल्होछार ।।

दिमथेमे ङेबाङेङ्गोर ह्रापह्रुप ताजि सोनाम ल्होछारि
कादे सेम ताङ्मुला मोक्कोन ह्रापह्रुप तामा सोनाम ल्होछारि ।
सुख स्हु (दुःख)ला ताम लासि तामाङ ह्वाइरि स्यादोला
मोक्कोन डिक्सि तामाङला रिमठिम ओन्दोला ।।

ह्याङ्ला सोनाम ल्होछार दाङ्दोला बिसि मोक्कोनदा पाङ्थान्गे
तामाङकादेदा सेमरि छोर्ना सोनाम ल्होछार दाङ्दोला बिसि पाङ्थान्गे ।
उइमा आखेम्हेमे हेन्देन तेन्सि खाबा सोनाम ल्होछार
लिच्छाला आलेआङादा डान्ना म्हान्ना लाथान्गे सोनाम ल्होछार ।।

घ्याङलेख गाउँपालिका वडा नं. ५, बुदुमचुली, सिन्धुली ।