‘दारेम गिक्खे दिम स्होतोजि जा
जागिर म्हाइगो
–दिमरि गे लाबा चाङ तोजि
चाङ्छारजुगु म्हाइगो
गिक्खे एदा,
गिक्खे एला आलेदा ।’

चिनिया ताङरि तावारदा
बासि गेङ्ला ब्राइजुगुथोरि
लेप्पा चिया ख्लुप्पान
ओम
थेरि ह्वाबारि छ्याम ताबा
नाकिजुगुदा केबान आमा क्रिङ्सि टिस्युबा मुला

आमाला छिकजुगु
ङाला प्राक थुबा तिङ्ला गुङरि
गोल्छेसे ताइला

‘इदिला दिम स्होबारि जा
दारेम मिहिनेत लाबारि आखाम,
–ल्हुइला आङ्गारि
स्बर्गग्यामसे ताइबा लाला छिकजुगुदा ब्रान्बान
–थारेङ्ला वातिग्यामसे क्युइ खोबारि आखाम,
–था मुला ?
ओयामा वाति ङाम्तेला थाङ्खाबा पोगोलरि
ङा पाप्पा मुबा,
–खुयु दोजि ओम आगेल्बाइ दोजि
जा, जागिर म्हाइगो
–दिमरि गे लाबा चाङ नोन तोबा मुला
चाङ्छारजुगु म्हाइगो
गिक्खे एदा
गिक्खे एला आलेदा ।’

तावारला ह्यालह्याल्बा
मे लाबारि ह्योङ्सि टिबा मुला,
स्यासि टिबा मुला ।

दोःबा : ईश्वर थोकर