सातान दौतरीसे डाला व्हा ? 
ह्राङ्बिमा फिरि दोला व्हा ? 
ह्राङ्बिमा सेबा दोला व्हा ? 
पद थेन प्रतिष्ठा नो ब्यान्ना व्हा ?
बिसि
म्हुन रे साइजरि थान्बारि तल्लीन
म्हुन रे काङ छेङ्बारि चतुर 
उर्जाशील बौद्धिकतादा आछ्यार्ना लाबारि क्रेप्सा कसतिसि ल्हागतिबा
सुसम्पन्न वाक्पटुता मुबा
नेत्रीसे तिनि सेम ब्लासि
भाषण लाजि–
‘मार्च ब्रे जामेकोला याङ्तामला दा हिन्ना ।’
‘मार्च ब्रे लिंगिय फेबाला थुम्ना लाबा औजार हिन्ना ।’
‘जामेकोला ह्रेमकोला क्योङ च्योच्यो ।’
‘दारे चु ह्युलरि खालाइ आरे ह्राङ्लाम्हि थेन स्यान्दोलाम्हि ।’
‘मार्च ब्रे जामेकोला मुक्ति आन्दोलनला कोशे युङ्बा हिन्ना ।’
‘छोर्गो ! छोर्गो ए ! याङ्ताम आरेबा जामेकोला हिन्ना !’
नेत्रीला लेप्बा थेन फोबा भाषण थेसि–
क्योङ निमुखा, दुल्बा, दलित, जामेकोला गेनामसे
पररर्र... ताली ह्राप्जि !
खाइ थेन्से तिगा गोजि ! तिगा गोजि ! तिगा गोजि !
मार्च ब्रेला दिवस थुम्बा घोषणा लाजि
खाबा दिङरि झन ग्रेन तेन्तोला बिस घोषणा लाजि ।
(छिगला अर्थः नाङ्थान्बा– दबिएको, गेनाम– श्रमिक, याङ्ताम– अधिकार, व्हा– कि, दा– स्तम्भ, दुल्बा– दमित ।) 
१९ फागुन २०७९

दोःबा : यकिना अगाध