दोपोपो तासिकेन निबा
गोधूलि ङ्यासे ह्राङ्बा
स्याङ बुलुङला ह्राङ्बान
ज्याआखाम्बा काइ
खासु छ्यासि
मु थेन सा फेबारि 
हम्मे हम्मे ताबा दुइ
म्हिसे म्हि ङोसेबारि 
ग्राह्रो ताबा दुइ
ओम
सेमतेनसे सेमतेन (विचार)
सेमसे सेम
विश्वास नोन खाराङ लासि लासे !
ग्लेठिमला नेतासे ह्राङ
ताम, सेम, ल्हुइ पोबातेन
मोड, ग्याम, दोबाटो
मुतेबा ग्लारि 
काबातेन छेबामा
ब्रेसाइ नोन
डासाइ नोन
स्हु मुगाइ 
व्हा ताङ्बाला
खाराङ्लासि तिनि नाम ताइसि
दिङ्छा नाङ्ला 
बुल्खु स्याल्सि
मु थेन सा
स्पष्ट तासि म्राङ्बा मुला
थेह्राङ्नोन लासि
मुतेन सेम
सेमतेन सेमतेनला बहस लिच्छा
मिग्याम्से क्युइला बर्षात तामा
आल्हुतोमुबा
ल्हुसिम ख्लाजि
ल्हुइग्याम सेम सोतयाङ्जि ।

दोःबा : यकिना अगाध