मे तोसाम सेलयुङ्बातेन प्राबा थाख्लागो
ग्ले तोसाम ह्राङ्लान जामे जा थाख्लागो
ग्युइ थेन फ्युक्पो दोबा ग्लेखाङ म्हाइसि ब्रामा एसे
तामाङ ठुङ्बा ह्युल्सा बाप्सा दुर्सा थख्लागो ।
महादेव लाथान, मस्जित आहिन, गोली स्होपिन्गो ङादा
बम, बरुद थेन मिसायल बिमा छ्यार्ब, बोली स्होपिन्गो ङादा
बिर्ता, पुर्जा, लोप्खाङ, प्रहरी, कानुन, कैदी स्होब बिमाम
सर्बोच्चा अदालतरिन ग्रेगो खारे, होली स्होपिन्गो ङादा ।
तामाङ थासि सेबा साइबा दोङराप छ्याप्थान्मुला
तिन सय दिङ ताजि ह्याङदा लानि दिनि खाप्थान्मुला
बोम्बो, लामा, ताम्बा, गान्बा मुइमुकादे छोर्गो रेगो
तामाङ बिसि सा, मु थुर्वा, ङोसेबा स्याप्थान्मुला ।
सा छ्या, नामछ्या, लुङछ्या हेन्देला, दोप्ता हिन्न ङा
ज्योमोगाङ ह्राङ्बान दोङराप मुबा, दाम छिक हिन्ना ङा
रिमठिम, ग्योइकाइ, धर्म पोसि, तामाङ थुम्गे लामा
लाग्र्युङ, तिप्लिङ ह्राङबान मेला, तिङ हिन्ना ङा ।
(ह्वाइखाब्रिखेन तामाङ डाजाङला चोहो हिन्ना ।)
तपाईको प्रतिक्रिया दिनुहोस