कादे चिला ए !
थे अन्याय, अत्याचार नासिमाम
थे भ्रष्टाचार च्यासिमाम
ह्याङ्दा थोपोनाङ छे काप्सि जिन्जि
ह्याङ्ला चु ह्युल्सादा चुङ्सि चासि जिन्जि
खाइ खाइमा बुद्धि खाला ए ङाला
चोदे जेबा ह्युल्सादा ख्लासिमाम, म्लेसिमाम
थे मरुभूमि ह्युल्सारि
थे जोवन ब्याङ्सिमाम
ब्राजिबा मुला 
ह्याङ्ला नेपाली ज्योज्योआले÷नानाआङा
खाइमा म्हाइसेला थोपथाङ
म्हिला ह्युल्सारि चिना चिना
थे ल्हुइ निजिन्जि
ह्याङला लिरि थो स्वाजिन्जि
ह्याङला ग्योइ रिमठिम, ग्योइकाइ आरे
खाइ दारेम खाइमा छोर्ला
छोर्माकुनु चु ह्युल्सा म्हिला ह्यारि दोला
रेगे दारेम ह्याङ गिक तासि रेगे
ह्याङला ह्युल्सा स्होबारि
दारेम रेगे दारेम रेगे !
चन्द्रपुर–१, रौतहट, पौराई ।
२०८१/०३/१९