ओइ प्रतुगुकादे !
ओइ आले आङाकादे ! ङान्दान पाउ ह्या जाजागार
एन्ना अवोध चाङ्मा बिजाज्यो
एन्ना सेम राङ्बान 
नोबा न्हा नोबा  ज्योमोलोङ्मा
नुप्पा न्हा नुप्पा किच्चकबध
ङान्छेन सोइ ङान्ना सेमरि
ङान्नान ल्हुइ
ङान्नान साप्रा ङान्नान युङ्बा
ङान्नान क्युइ ङान्नान ह्रि
ङानुन फ्लिक तोगे
एन्ना दिङरि......
ओइ साम्दिस्या
ङान्दान डुप्पिनोले होया जोर गि गोइलो
व्हारिला गाप्तारि सु थानो 
यागारगि आम्बु दोङ
यागारगि ख्रिन दोङ
स्होदोला डम्फु
स्यादोला छ्यामान
ओइ सेबोनकादे
ब्रिबिनोले गोर्गि ह्वाइ
थेरिन 
ल्हुइ क्योङ डिक्सि स्याहाम्गाइ...
ङान्दाइ पाउ ह्या आले आङाकादे
एन्ना ङ्हो ङामला
तार्ङा मे ज्योमोगाङ राङ्बा नोबा सेम
पाडाम्हेन्दो राङ्बा 
चाङ्मा निश्कपट निस्वार्थ मुस्कान
ङान्छेन फ्लिकदोसि च्यागे डान्गे
ङान्ना बिजाज्यो । 
(छिगला अर्थः तार्ङा मे ज्योमोगाङ– माछापुच्छ्रे हिमाल ।)