मिख्लिला होनरि
काला स्योङरि
स्हु थेन स्हुः आन्हेम शोकरि
आततायी कथित युद्धरि
ल्हुइ सिबाला संघर्षरि मुला ।
धुलो नोन धुलो मुला मुतेबा नाम्सा
खण्डहर ताजि दिमकादे
खान्दामान अलपत्र मुला छेन्देकादे
कात्रोरि रिल्बारि आम्याङ्बा लासि
आउदिन बीभत्स दृष्य च्याबारि बाध्य मुला ।
खाइमादाम्मान आटु थे दुष्ट
जल्लाद युद्ध पिपासुकादे
एला मिख्लि थेन काला छिटासे
तिरे खि किन्छिन ख्लासेदा मुला
एला ङेबा एला ताङ्बा तिरे दोसेला मुला ।
बनेपा, काभ्रे ।
(छिगला अर्थः स्हु– दुःख, स्हुः– पीडा, छेन्दे– लास, आटु– टिक्दैन, खि– बदला÷पैंचो, आम्याङ्बा– नभ्याउने । डिक्खेन)
दोःबा : राजु तामाङ
तपाईको प्रतिक्रिया दिनुहोस