खाउ चेमो !
दारे ह्याङ खासुरि क्रेसि
मुरि दोगे
स्योङरि ब्योङ्सि सागर स्याप्गे
चेगाइला झरिरि
गिक्खेन छातासे ह्याङ्ला ल्हुइदा
सुरक्षित थान्गे
एला राइगि ङाला राइगि बाम्साइ नोन
ह्याङ गिसेम गिला डोइरि
खाइमाइ आसिम्गे
फो गाङ्साल गाङ्साल प्लिङ्गाइ खाइमा
तासाइ म्हाङ छ्योना म्राङ्खाम्गे 
ए ङा थेन ङ ए तासि
ह्याङ दोखाङदोना दोबारि खाम्गे
ङा एला दोखाङ दोनाला फ्याङ्बारि
सातान पंखा दोला
एसे ह्याङ्ला सम्बन्धला सुरक्षा लाउ
ङाइ एला काङ्फ्लारि ब्लोबा 
पुजु ल्हेपिन्ना 
एसे ङाला या खाइमाइ आख्लागो ।

खाउ चेमो !
दारे तोङ्जा बन्धन बोसि खाउ
ए ङाला वार्सआपला डिपी
फेसबुकला कपल प्रोफाइल
रिलेसनशीप स्टेटस मुतेबारि चिबान
ङाला चिवारि सार्गो 
ङाला ग्राम्बारि ङेगो
ङाला याजुगुरि ताङ्गो
ङा एला मिनतेन थुइसि
सोचिला÷ङेचिला
एसे ग्यालामला पुजुकादे ब्याङ्सि खाउ
ङाइ म्हेन्दो तिसि एला डेन लाला ।
(छिगला अर्थः चेमो– प्रिय, चेगाइ– माया, राइगि– एकपाटो, दोखाङ– उद्देश्य÷लक्ष्य, चिवा– सिउँदो, ।)

दोःबा : यकिना अगाध