ओन्मा दाङ्बोला ताममि ओदे थाहा आतानि
तासाइ नोन याखारगि तामजा हिन्ना–
पौराणिक युद्धरि नोन कोन्ज्योसोमजुगु आसेनि
मुगलसे ह्रिजि– रैतीलान का
गोपाल, किराँत मुतेबाला लागि
... सोझासाझालान काला खाँचा परतिजि
विश्वयुद्धरि सिजि– तोङ्जा सर्वसाधारणजुगु...
शीतयुद्धसे गोङ्सि सिजि– क्योङ बिबाजुगु
चुह्राङ्बा चुह्राङ्बारिन,
ह्युल एकीकरण लामा प्लेन प्लेन ताजि साम्हिला ल्हुइ
कोत थेन भन्डारखालला वात्तिग्याम
राणासे फुइबा म्हाना लाजि– थुङ्सि ह्युल्बाला का
प्रजातन्त्र बाबारि
देबाः लासि थाजि ह्युल्बाला खारे
बहुदल बाबारि दोसि ब्योङ्जि नागरिकसे– काला स्योङ
दिङ च्युइ चल्तिबा जनयुद्धसे
दोसि तिर्याम बिसि ह्रिजि– प्रजाजुगुला का...
गणतन्त्रसे काला टीका ख्याप्सि सत्ता क्रेबाकेन लामा
लिच्छा तिर्याम बिसि ह्रिजि– ह्युल्बाला का
ल्होलो युद्धला मिनरि 
शासकला ताङ्बाला लागि तिनि नोन ब्योङ्चिमुला...
जामेकोला, बिजा थेन क्योङ म्हिसे का
दाते दोसि, 
दारे ह्याङ्ला लागि तोजि बिसि
ह्याङ्तेन का ह्रिचिमुला– खालाइ
ङाला ल्हुइरिम दारेम, 
एला डाबाला लागि ख्यापपिन्बारि बिसि
....फ्रुम गि का आरे
तिगा ह्राङ
ङातेन खटप तासि टु ब्योङ्बारि तयार मुस्ह्युला ? 

दोःबा : यकिना अगाध