ह्युल्बाला शासन हिन्ना प्रजातन्त्र
सेमतेनला ह्राङ्बाङ हिन्ना प्रजातन्त्र ।
न्होर च्योच्यो कायम लासिगेन
क्योङ्नोन सोबारि याङ्बा याङताम हिन्ना प्रजातान्त्र ।।
चाबा, क्वान्बा थेन चिबा हिन्ना प्रजातन्त्र
संघर्षला ह्राङ्बाङ हिन्ना प्रजातन्त्र ।
क्योङ्सेन ताम पाङ्म्याङ्बा
ल्हानन सेमतेनकादेला बगैंचा हिन्ना प्रजातन्त्र ।।
ह्याङ्ला बहादुरी पुर्खाकादे सिजि प्रजातन्त्र याङ्बारि
छेजि अंग्रेजजुगुतेन ह्युल्ला सार्वभौमिकता क्योप्पारि ।
साम्राज्यवाद थेन विस्तारवादतेन छेसिगेन
कुर्ला आदे दारेम ह्याङ्नोन, रेदोला ह्युलघातीजुगु ताप्पारि ।।
निरंकुश शासनला छोदा टाङ्बा दुइ
ह्राङ्बाङ्ला सा मोक्कोनसे पोबा दुइ ।
वीर सहिदकादेला कादेन संघर्षला
दोङरापता डेन लासिगेन
चु पुँजीवादी प्रजातन्त्रला
शोषण थेन दुल्बाग्याम मुक्त तासिगेन
समाजवादी गणतन्त्र,
गेनाम ह्युल्बाला वास्तविक प्रजातन्त्र
स्हेङ्बारि वर्गसंघर्षरि ङ्हाच्छा वाङ्तोबा
गेनाम ह्युल्बा थोरि हाजि गिकनोन तासि प्राबा दुइ ।।
काभ्रे ।
(छिगला अर्थः न्होर– आर्थिक, च्योच्यो– समानता, सेमतेन– विचार, ह्राङ्बाङ– स्वतन्त्र, याङ्ताम– अधिकार, डेन– सम्मान, ।)
(बेने ७, प्रजातन्त्र दिवसला दुइसाङरि ब्रिबा व्हाइखा ।)
तपाईको प्रतिक्रिया दिनुहोस