बित्थाला स्हु चिम केवा
असन्तुष्ट चिम सेम
ताङ्बाम झान बेकार चिम
देउरालीरि पाति फुल्सि
युङ्बा फिरि युङ्बा काप्सि थान्सि
खान्डोरि गोङमा ल्हेबा तेते नोन
अहँ जाजाकि नोन
देबाः आरे सार्ना लाबारि ताङ्बा
रोना लाबारि उमंग
ज्युमङेबारि केवा ।
खाइ तिल्दा ?
फिस्सा ङेबारि म्हाइबा सुङ्फि ज्योर्ला
बुबारि चुबा सुख च्यार्बारि म्हाइला
हार्बारि चुबा मि ब्लोबारि चुला
पाङ्गोले चेमो
आलुना पाङ्गो
तिल्दा
एतेन ह्राङ्लापन आरे
चेगाइ आरे ।
ह्राङ्लाजुगु ह्राङ्ला ह्राङ्बा आरे
तिल्दा ?
ओइ कलि कि खाजिबा युग हिन्ना चु
खाइ तिगाला उथलपुथल हिन्ना चु
तिल्दा आरे ह्राङ्लारि ह्राङ्लात्व
तिल्दा आरे मानवतारि मानवता ?
ओम
निर्जिब थे तामआपाङ्बा
युङ्बादा ला बिसि फ्यालाबा म्हि ङा
ङादा गोसाइ आगोसाइ
एदा ज्याना लासि गोमाह्राङ
धुप थेन मोनेसे ज्यानालासि ज्यालपिन्बा म्हि ङा ।
पाङ्गोले ए युङ्बा
ताम लाउले तिर्याम
ङाइ तिल्दा आखाम्बा म्हिदा गोबारि ?
तिल्दा आखाम्बा म्हिला सेम ङोसेबारि ?
अन्दर्बुङ, सिन्धुपाल्चोक । दातेः ललितपुर– पाटन ।
(छिगला अर्थः बित्थाला– अनावश्यक, स्हु– पीडा, केवा– जीवन/जिन्दगी, चेगाइ– माया/प्रेम, ।)
दोःबा : यकिना अगाध
तपाईको प्रतिक्रिया दिनुहोस