डान्चिबा मुला : थे रे
ए ङाला ङामरिन चिबा
ओम एला थुर्बारि 
ङान्हाङरि म्हेर्चिबा ताङ्बाजुगु
योना लासि ङाला याफ्ला दोना
दोगासि चुङ्बा, 
हिन्ना ले, थेनोन मधुमासदान
ब्रिबारि चिबा मुला चु दुइरि । 
पाङ्चिबा एला मिजुगुसे
ङाला मिजुगु तासिकेन
तिङदोना दोसि याखारगि व्हाइ
कोबा (चलमलाएका) हिन्ना 
ओम सम्हालाप लासि चुङ्बा मुबा
ङाला तिङ्दा !
थाथाल्गाइ चु दुइ, स्थिर चिचिगाइ–
ङाला सेमसे म्हान्बा मुबा
तासाइ चु निष्ठुरि दुइ थाल्जि !
च्युप्सि (खुम्चिएर) चिबा चु जाजाबा पल नोन तासाइ
ङादा क्योङ केवाला ताङ्बा पिन्बारि बाङ्बा मुला । 
दारे सेमला ग्युरुजुगु गुङरि 
तिङरि ताङ्चिबा डान्बाजुगु चिसेला मुला
चु दुइरि एला थुर्बाजुगुरि 
सोबा याखारगि दानः (आधार) स्होबाकेन मुला । 
स्यान्दो रेमला ह्रुपरि 
चेगाइला ब्रोइ ग्वाइसि कोसेली बापिन्गो ल्हा
आहिन्साम ङा बोचिसेला (दंग्याइरहने) मुला म्हाङरि नोन¬–
एदा
थाङ्सि (सन्चोले) चिबारि आपिन ले ! 

मिरिक, दार्जीलिङ, भारत । 

दोःबा : यकिना अगाध