ह्युल्बा सोसाम ग्योइ सोला
थे ग्योइतेन ह्युल्बा सोना लाबा समाजवादी डिछ्या हिन्ना ।
होराङ्तासि ज्योज्योआले–नानाआङा !
पुँजीवादी डिछ्याला शासकला डिछ्या ब्याङ्तोजि ।
समाजवादी डिछ्या बातोजि ।
चुनावला दुइरि नोटरि भोट देप्पा गे ख्ला खाम्साम
ह्याङ्लान नेपाल ह्युलरि समाजवादला डिछ्या बाखाम्ला ।
भ्रष्टचारी थेन फिरग्याप ह्युलला दलाल गोबोनकादेसे
खाला ह्याङ्दा व्हाम्बारि ।
चुनावला दुइरि ह्याङ्दा लुबा आश्वसन पिन्बारि ।
पुँजीवादी दलाल सरकारला कारणसे
हयुल्बा ल्हानान बेरोजगार मुला ।
बुमसे बुम ह्युल्बा, फिरग्याप म्हिला ह्युलरि मुला ।
होराङ्तासि ज्योज्योआले–नानाआङा !
दारेम ह्याङ्से गोतोला
समाजवादी डिछ्या बातोला ।
थेनोन समाजवादी डिछ्या न्हाङरि
क्यार्सेजासे ख्युरुरु गेदोइ लाबाला दिम तादोला ।
थे दिमकादेला गुङथामा कलकारखाना तादोला ।
ह्युल्बाला बिजाबुमोकादेसे
न्होर आफाना लोप्खाङ डोम्याङ्तोला ।
मोक्कोन ह्युल्बाकादेदा होराङ्नोन मानखाङ तादोला ।
दारेम ह्याङ्से गोतोजि
समाजवादी डिछ्यासे जेक्खे ह्युल्बा सोना लाखाम्ला ।
वीर शहिदकादेसेन सोना लाबा ह्याङ्ला ह्युल ।
ह्याङ्से ह्रवा लातोजि
नेपाल ह्युल्ला ग्ला ग्याम्से भारतला सेना ताप्तोजि ।
सुस्ता, कालापानी थेन लिम्पियाधुरा, लिपुलेक
थे ग्ला दोसि बातोजि ।
काँक्राविहार, भक्तपुर । मोबाइलः ९८४९१४०८०९
तपाईको प्रतिक्रिया दिनुहोस