सुङफिला याखारगि गुरि लाग्र्युङ च्योबा हिन्ना
ए छ्याम नोन ताबा बिबा–
सा खासुला सिम्बारि लेप्बा साजुगु ताबा हिन्ना
ङोसेबा गल्लीला
सातान सातान टोलाप ताचिबा थानथान लाथान ङामरिन डोइखाबा याफ्ला ताबा हिन्ना
ए छ्याम नोन ताबा बिबा–
खाजिबाइ लाकुफिरि पेरस्योङ्चिबा प्रार्थनाजुगु अर्थ ताबा हिन्ना
शर्तजुगु बिमा ल्हानान क्यार निःशर्तजुगु सोचिबा हिन्ना
ए छ्याम नोन ताबा बिबा–
गुनासोन गुनासोला चाङग्याम केवादा माङ्ग्यार प्योल तेबा हिन्ना
चराजुगुसे ह्वाइ कोचिबा हिन्ना, दुइजुगु पोचिबा हिन्ना
जातुकु क्लाङ्चिबा हिन्ना, खेप्पाजुगुसे सोबारि लोप्चिबा हिन्ना
ए छ्याम नोा ताबा बिबा– सृटि निरन्तर चलप तासि चिबा हिन्ना
मुतेबा म्हुन मिरि लानि थान्सि म्हेर्बा हिन्ना
ए छ्याम ताबा बिबा–
मुतेबा यो लिरि दिनि थोसि छोर्बा हिन्ना
ए छ्याम आरेबा हिन्साम !
म्हाङ बोबा याखारगि म्हि ओन्मान नुपजिन्सेला मुबा ।

दोःबा : यकिना अगाध