साइआरेबा केवा
रस बिसे व्हा चक्र ? 
जेबा म्हेन्दो 
लिउला फोलेजुगु
याखारगि बगैंचा
थेन–
थेलान दोप्ता
ङा नुप्के लाबा 
दिन लानि च्याजि
फाक सार्बा म्हेन्दो 
पेदे छ्यागे लाबा रो मुतेबा मुतेबा । 
साम्बारि आम्हाइ
सार्वा ज्याबाथाङ
क्योङ मौसम
सोना लातोबा मुला म्हेन्दोजुगु
नुप्के लाबा
प्रकृति आउदिन प्रेमिल मुला
तासाइ
समाज ? 
पुँजीवाद !
तिक्खुरि 
ङाला 
रेजुगु रेरि म्हुन ताजि 
खासुला पर्दाजुगु ल्हागतिचि मिरि । 
होइसेर काजि 
थुमथुमदा ङ्ह्यासे डेन लाबारि । 
म्हुना गुङ्रिन
लिखन्डि गोङ्मा ल्हेजि
लानि थेन दिनि बामरि थोजि 
कुरि ह्युल ब्रिजि । 
जाकि क्यार दोमाहेन्से
समुन्द्रला सिमानासे ह्युल खाप्जि । 
थेलिच्छा
मिख्लिला ग्योइजुगुरि म्हाङ ब्लुम्जि
मरुभूमिला
बन्जरतासे दोखाङ टाङ्जि । 
दारे ह्राङ्सेन पाङ्गो !
ङा ह्युलद्रोही हिन्ना ओम ? 
ओइ आमा ङादा
ह्युलला चेगाइ ल्हागाब आताबा हिन्ना  ले ? 

(छिगला अर्थः साइआरेबा– अमूल्य, केवा– जीवन, लिउ– भविष्य, दोप्ता– मालिक/माली, नुप्के लाबा– अस्ताउन लागेको, थुमथुम– औंसी, ङ्ह्या– पूर्णिमा, दोखाङ– गन्तव्य, ।)

दोःबा : यकिना अगाध