उफ् थे रे !
छ्याम चिबा थेलान आकुसे म्राङ्मा
हुस्याल ताबा थे दुइ
फेबा दुइरि माङ्दि दोना साबारि खामा
दिला न्हानरि चिसि फेबा ह्याङ्ला तामरि
तिक्खुरि एला मिग्याम्से मिख्लि ब्योङ्बा म्राङ्मा
ङातेन छ्याम पारेपोरे पुइबारि निबा ङाला म्हिसे
तिल्दा क्राबा बिसि ङ्योइबासे ङा बाक्य चिबा म्हि दोबा मुबा
ह्याङ्ला ह्रुप थेलिच्छा ताबारि आखाम्नि
चिठी नोन आब्रिनि
सापसुप म्हाबा ह्याङ्ला सम्बन्ध
दिङ सोम लिच्छा छताछुल्ल ताजि
तासाइ नोन ङाला ह्याप्पी भ्यालेन्टाईन डे !
जाजाकार जेक्खे थाहा याङ्बा दुइरि
लासि ङादा च्याबा लामुबा
ङाइ तिनि नोन डान्बा मुला
थेतासि गिक्खे स्यो (चिठी) ब्रिमुबा
एसे आयाङ्नि बिबा अनुमान
दाते जेक्खे लाबाकेन मुला
ङाला ब्रेल्साङ लिच्छा बोमोखाबा ज्योरि
एला तिक्खुरिला प्रस्तुतीसे
ङादा दाते छोर्बाकेन मुला
ङाइ एदा गोबारिन आखाम्नि
दारे गोसाइ तिगा ? आगोसाइ तिगा ?
तासाइ नोन एदा ह्याप्पी भ्यालेन्टाइन डे !
दोःबा : यकिना अगाध
तपाईको प्रतिक्रिया दिनुहोस