ओहोइ ज्योमो
एला आङरेला कुइटि
ग्याप्से थाफोइगो
थे एला
कु गाप्पा याङ्ताम
एला हिन्ना बिसाम
ग्वाइगो बरु फुम्बाला जि
निङ्गुुसेप दोङ्सि
तुइतुइ थुङ्गे
ए थेन ङाजे थोङ्से आरेबा
ह्राप्के बरु चु खेबाः डम्फु
ब्राइ दारेम दोङरापला व्हाइ कोबान
हानादाम्मान दोगाइ
ए थेन ङा
लाङ्स्याला मोरे
ब्रा पोलो चाबान
ह्याङ्सेन छाबा साला
तिरो किन्बा
लालपुर्जा डेबारि
ह्याङला ह्युल्सा नाम्सा
ब्रिसि ब्यान्बा थेला कानुनला हिगिकादे
ख्राङ्तोला दारेम
बोम्बोला छेवाल मेवालसे
ब्रितोला दारेम युङ्बाला हिगि
आखेला दुर्साकादेरि
तामाङ ग्योइ ठिमला
राप थेन ह्याङसे स्होतोबा
छार ग्यामला नक्सा
ग्लिङ्से गाप्थान्बा
आखेला स्हुला साङग्युर
ह्याङ्से आब्रिसाम खाल्से ब्रिसे
तामाङ तसिमाम
ह्राङ्लान जाम्बुलिङरि ।
अनामनगर, याम्बु ।
(छिगला अर्थः कुइटि– टाँक, खेबाः– पुरानो, स्ह– दुःख, ।)
तपाईको प्रतिक्रिया दिनुहोस