रेदाङ्सेन ङ्योइमुला ङाला मामसे
हिन्ना तिनिदोना
याम्बुला स्ह्याल म्राङ्बा आरे
खाराङ्बा मुदाला थे याम्बु ?
ङाइ चु नाम्साग्याम च्याबान मुला
चु थोबोरि तार म्हेन्दो सार्सि जिन्जि
थेमुला प्लेक तासि जिन्बा ङाला न्हाबेङ्कादेसे
म्राङ्मुला ज्योम्बा स्ह्यालसे ।
रेदाङ्सेन लादाङ्सेन
पोमुला रो याम्बुला रेकादे
छाङरि छे युबान
ज्यामुला मामसे याम्बु च्याबा रे
कोमुला सेम न्हाङ्ला ह्वाइ
च्यामुला ऐनारि ज्योम्बा लि ।
दोसिन डान्मुला तिरेम
याम्बुला लि च्याम्याङ्साम
ङाला ज्योम्बा लिनोन ज्युम नेसेला ताला
खाइ खाल्से बोर्सि पिन्ला
ङाला थे याम्बुरि
ङादाइ नोन ङाला याम्बु च्याम्याङ्बा
गोर्गिक ङोसेबास्यो बाउ ।
काभ्रे
(छिगला अर्थः ङोसेबास्यो– परिचयपत्र ।)
तपाईको प्रतिक्रिया दिनुहोस