ओइ ! तामाङ छारिब्योन/छारिछामेकादे 
ङाइ ताम गि पाङ्ला
एनि बोमो थाहाउ ह्या !
एला यारि रोज म्हेन्दो म्राङ्मा
ङाम पेजिले
एन्दा पेबा आहाबा जिम ?
ह्राङ्लान ल्हाला ह्रिरि सार्बा
आयुर्वेदिक मान 
पाडाम्हेन्दो, कोको म्हेन्दो
दोङरिन सार्सि हार्सि निजिबा थोर्सि
स्यान्दोला व्हारिरि सार्बा
रोज ग्लुबारि म्हाइबान
रोज डे ताङ्बान प्राबा
छामे÷ब्योनकादेदा 
ताम गि ङ्योइला
बोमो था हाउ ह्या !
ङ्योइगो ?
लः ला जा÷जामे याङ 
क्युइ, सा, ह्रिदा 
छ्योकु लाबा तामाङला कोला
प्रकृतिला पुजारी ह्याङ
ह्याङ्से ह्याङ्लान ग्यालाम
थोर्बाकि ता ?
ग्यामजे थोर्बा कि 
हिन्बान ङानि फ्लिक दोबान आहाम्बा ग्लारि दोजिन्बा ?
कि दोनोन आहाम्बा ग्लादोेना दोजिन्बा/न्होङ्जिन्बा ?
ङ्योइगे म्हान्बा !

आनाम
ह्राङ्लान ल्होछार गुङरि
तिलादा म्हाइप्राबा होइ थे रोज
ङ्योइगो ?
बोमो आहासाम
ग्यागरलिङ ग्याम
मान दोङ्सि पुइबा 
दोखला दोङ
नाबा म्हेन्दो
नाबा रिमठिम
म्हाइसि म्हाइसि ग्लुसि ग्लुसि
तिलादा पिन्बा होइ थे रोज
हाल्दा पिन्बा होइ  थे रोज ?
ह्याङ्लाम थे आहिन म्हाले !
ह्याङ्लाम 
म्हाइसेलान हिन्साम
कोकोम्हेन्दो म्हाइदोसेदा
च्यानचिन, स्युक्पा म्हाइदोसेदा
पाडाम्हेन्दो
म्हारम्हेन्दो म्हाइदोसेदा
बोम्बोम्राङ दोङ
बिजयसाल म्हाइदोसेदा
ह्याङ्ला यारिम
या ज्याबाथाङ हरहर हादोसेदा
ह्याङ्कादे मुला कि–
‘रोज रोज’ बिसि 
याखार्गि रोज यारि चुङ्सि
म्हि माइबान प्राजिबा मुला 
ह्रङलान दिम न्होङ्नाकिले
म्हिला दिमनाम न्होङ्नाकिले
ताम चुनुनगा
ओ छारिब्योनकादे
ओ छारिछामेकादे
ङान्छे नाबा
ङान्छे म्राङ्बा
पाङ्पिन्जि 
सेमरि थाकिनो
बोमो थाहाउ ह्या !
सेमरिजा थान्गो ह्या
ङाला काम्बा ताम
ह्याङ्दा 
रोज डे, प्रपोज डे
चकलेट डे, टेडि डे
भ्यालेन्टाईन डे
ओन्सि ओन्सि
ह्याङ्ला मञ्जुश्री गुनु प्लुत्ना लाबा
चु काम्बा देन्बा
काम्बा यथार्थ
सेमरि किनो ह्या !
२०८०/१०/२५गते