हिंसाला लेङ्खेप्पा मे
निर्मम गोङ्मा ब्राचिमुला–
स्यारहेन्से न्हुपदोना
ज्याङ्हेन्से लोदोना
खान्दामान खान्दामान
क्रोचिबा मुला मानवताला छेन्दे
सहरला गुङ
महानगरला सडक सडक
गल्ली गल्ली 
खान्दामान खान्दामान !

काइ चिबा ताइ दोबा मुला
राष्ट्रसंघ थेन म्हियाङ्तामला हिमायती जमात । 
म्हिला सभ्यतादा टाहेन्सेन स्योइबारि
ल्हागतिचिबाजुगु बारुदला दिमरिन
चिला सायद, 
रासायनिक अस्त्र जेक्खे पाङ्ला÷गोला
निर्धाजुगुला छेन्देफिरि उत्सव तेन्बाजुगुदा
म्हिला साइ, अर्थअरेबा
जेक्खे ह्राङ्ला वर्चस्व प्रमाणित लाबारि 
प्रतिस्पर्धा सोबाकेन मुला ।

सभ्य म्हिजुगु छेबाकेन मुला अर्थआरेबा युद्धजुगु
कोन्ज्योसोमदा फ्याङ्ना लासि म्हेनिङ दाङ्बाजुगु
स्वार्थला खेती लाबाजुगुला भिड छ्याबा संसार 
ओम दोसि खान्दामान करुणाला अकाल । 
छोर्ला...
केतोसेला मुला दोसि बुद्ध एसे
दया थेन करुणाला खडेरी सोक्खे ब्लेरि 
म्हिला तिङरि दया, करुणा ओम 
अहिंसा केना लाबारि,
दिशा आरेबा विश्व समुदायदा
अहिंसा थेन धर्मला पाठ लोप्बारि 
याखारगि वैश्विक लोप्खाङ म्हाइतोला
थेरि मुर्खजुगुदा क्रोना लाबा ग्युइला दिनि फेबा तागाइ । 
थेतासि...
बुद्ध एला आउदिन खाँचो मुला
चु युद्ध÷युद्धसे प्लिङ्बा जाम्बुलिङ 
हिंसाला चु खासुरि
म्हिला लिजुगु
ङोसेबारि खामआखाम ताबा
चु ल्हिबा दुइरि 
अहिंसाला मन्त्र फुइसि
म्हि दोबा साङ्ग्युरला लुङ्दार
चु प्रदुषित लाबारि फेर्बारि 
बुद्ध एला दोसि अवतरण
म्हाइबा मुला
देन्बान ब्रान्बा मुला । 
मिरिक, दार्जीलिङ, भारत ।
(छिगला अर्थः लोङ्खेप्पा– विकराल, छेन्दे– लाश, काइ– वाक्य, दाङ्बा– मनाउने, छ्याबा– जमेको ।)

दोःबा : यकिना अगाध