चाबा, टिबा ओसेम क्वान्बाला
दोनरि बिसि
चु जिक्तेनरि म्हिला
माजिङ गिक थेन माजिङ
जिन्बान आरे ।
होजुरि
दोसि स्यान माजिङ
दान्दे म्हिला छोरवाङ
तोङ्लाबारि छ्याइबा मुला 
चा–आयाङ्बा, क्वान आस्याप्पा
मुसाइ चाखाम्बादुगुला
थुःलु
खान्बान आरे चुरि ।
सत्ताला कोलोङ्से ह्यो लाबा
शोषकजुगु शासकजुगु
स्यान्दो सोमछा साप्सि छेत्पाला
दोङराप लाबा
मेःबा मुला ।
तिल्दा ? ङ्योत्पा आलाइ
फ्युक्पोकादे थेन छ्यामरि
चु तिलदाला छोङ आरे ।
माजिङ झेन छात्पा
थेदुगुला सेमसेङ
सेङ्बान मुला ।
जामखोर ग्लोङ्जिन्बा
का–यिफिबादुगुदा
दान्दे मङ्गल डा लातोबा
लानि च्युप लातोबा
होराङसे
जामखोरदा काङ्बुल
क्लाङ लातोबा
तोछोङ्बा राङ तेनबाकादेला
थेदा खाइ सेम्दु मुला
थेदाम जेक्खेन
जिक्तेन डा लातोला 
बम फोसिनम
ह्याम फोकसारि
दोसि जिक्तेन माजिङ गिक 
लालाबान मुला ।
डुबर्स, भारत ।