ख्युबारि आता नाम्सादिमरि च्यानदा
कामि थेला ज्याबा स्हे हिन्ना
थेमि का सिप्पारि ताङ्मुला
का सिपम्याङ्सि जेक्खे थेमि च्यान दोला
थेरङ्तासि कोम च्यान नाम्सादिम कोर्बरि सेम लमुला ।
च्यानसे हाइमाइ छे आचा
थेमि सेबा थेन आतंकरि ताङ्मुला
ङाला सेम न्हाङ्ला म्हिकादे
तिल्दा च्यानला सम्मोहनरि परतिबारि म्हाइजिमुला
च्यान म्हिला ह्रो ताबा दोङराप हानाङए आरे ।
स्हु मिम तिला बिसाम
च्यानला ज्युम्बा लि च्यासि
म्हिला नाम्सादिमरि च्यान वाङ्बला परिणति
तिनि च्यानला ङ्हाज्याङ ह्युल सेबारि परिणत ताबला मुला
म्हिला क्रास्या, का ब्यान्बारि म्याङ्सि थेमि मस्त ताबा मुला ।
सेबारि ताङ्बा च्यान
आतंकरी सुङरे स्योम्बा च्यान
अशान्तिरि याछिन म्युङ्बा च्यान
क्रूरतारि ङ्हाज्यङ ह्युल चलाइतिबा च्यान
ओइ म्हिकादे ! हाइमाइ नोन च्यानदा ह्रो म्हान्ना आदेमुला ।
च्यान मिम च्यान नोन हिन्ना
म्हिला क्वान क्वान्बारि पिन्देमा
हाल्लाइ नोन च्यान म्हि दोबा थाहा आरे
देन्बा चुनोन हिन्ना, ङाला सेम न्हाङ्ला म्हिकादे
च्यानदा हाइमाइ थान्ना आदे नाम्सादिमरि ।
होसियार ताउ म्हिकादे
च्यानदा नाम्सादिमरि थान्ना आदे
सतर्क ताबारि लोप्को म्हिकादे
च्यानदा म्लेसि नोन नाम्सादिमरि वाङ्पुङ्ला आदे ।
(छिगाल अर्थः ख्युबा– हुल्नु, स्हु– दुःख, ज्युम्बा– निन्याउरो, देन्बा– सत्य ।)
(मोहन दुवाल नेपाली ग्योइकाइ स्योस्योला डिक्खेन थेन ब्रिखेन हिन्ना ।)
दोःबा : राजु तामाङ, काभ्रे
तपाईको प्रतिक्रिया दिनुहोस