ङ्यान्गोले !
थोप्साङ रेखा ब्रिबा याजुगुरि
चोदे… ग्रेन म्हाङला पोरे थोसि,
नाम्सा ख्लाबाजुगु!
ङादा आम्लेगो होइ।
एनि दोसि खामाम हाइ!
ङाला अस्तित्व खानाङ ह्रुप्मु।
ङाइ स्यान्दोन ग्लारि छार दिम स्होबा हिन्साम
ङाला जाजाबा, जेबा दिम च्याबारि खाउ।
ङालान दिम ख्यारख्युर सार्बा तासेला मुला
कि एनिकादे खामा
तिबारि थान्बा पाडाला म्हेन्दोजुगु।
सुसाप ताचिबा थाङ्सिङ ओम रानी ह्रि च्यागो
एन्नान डेनरि थान्बा
बुकि म्हेन्दो थुसि ख्याप्गो।
झरना ग्याम ब्योङ्बा सिम्बा क्युइ
याफ्ला नाङ थान्सि थुङ्गो।
अँ देन्बान…
जाकि फिरि न्हान मुला, थेरि खेबाःन…
फुइबा, ब्लाप्बा ह्रेच्छाक चिसि म्हाना लाउ
लेङ्बा स्यान्दो डान्बाजुगुला हिसाब किताब
नाम्सा ख्लाबाजुगुला लागि जोर्सि थान्बा हिन्ना ङाइ
चु जाम्बुलिङ चु सारि स्याप्गो।
२०२४–१२–२७

छिकला दोन

म्होइजेन– अनुरोध

थोपसाङ– भाग्य

खेबा- पुरानो

फुइबा– प्यास

जोर्सि थान्बा– साँचिराखेको।