दोङराप
ङाला पुर्खासे विकास
बामरि थोसि बाबा मुला
म्हाइसि च्यागो ओम...
भिमफेदीरि दाते नोन
टु ठाम्चिबा म्राङ्ला
ल्होलो नीति, योजना स्होसि...
ङाला राज्य ब्यान्बा थे रे
इमानदारीताला फाइला किन्सि
ङाला वंशला शिक्षा ब्यान्बा रे
डान्बा सेम मुला दोसि तिर्याम
तिला म्हाइमुबा राज्यसे लिच्छारि
ङाला अस्तित्व फ्याबारि म्हाइसि
दाते नोन कोटा थेन आरक्षण
आतो चु मुतेबा ङादा
राज्य खाउ ङातेन
ङाला दरबार च्याबारि
झान बिले... ङातेन नैतिकता लोप्बारि
खाइमाइ नुप्ना लाआखाम्बा ङाला ग्योइ थेन लिपी मुला
ङाला धर्म मुला, रिम मुला, रिमठिम मुला
ङातेन ङाला ङोसेबा मुला
ङाला पुर्खाला का थेन टुसे ब्रिबा
याखारगि विरताला व्हाइ मुला
हिन्ना खाउ ङातेन क्योङ्ला ङोन्छाङ छेबारि
ङातेन ङाला दोङराप मुला ।
दोःबा : यकिना अगाध
तपाईको प्रतिक्रिया दिनुहोस