ङादा थानोन आपिन्ना
तिलाइ ताम आङ्योइना
कुटिसि कुटिसि
ङाला तिङ न्हाङरि चिबा
ओइ ङाला च्याङ्बा
ओइ ङाला सेम ह्रो
खानाङ टिसि च्याबान मुला चु दुइरि एसे
ज्योमोगाङरि टिसि च्याबा मुला कि ?
जाम्बुलिङला खाजिबाइ
गुरि टिसि च्याबान मुला !
तिनि दाङ्बोला ल्हानान दिङ लिच्छा
स्योङ ङिस गाङ ङिस थासि
एलान चेगाइला ह्वाइ गोसि
डान्बाला गोरगि पोरे थोसि
सेमनाङ चेगाइला डाङ बासि
एलान केबाला ख्राङगारि
दोगामुला ङा च्याङ्बा !
सेमला मि ठोङ्सि च्यागो
ह्राङ्लान म्हि म्हान्सि
ल्हुइला दुङालकादे ङालान सेमरि
न्हान स्होसि न्हासिपिनो
चु सेम तिङ्ला गोन्बोरि
एलान चुगाइ कु (मुर्ती) स्हेङ्सि थान्मुला
तिलाइ बाज्र्या आखागाइ बिसि चु चेगाइरि
ग्यार्जा तोङ्जा नाङ्साल म्रासि
कोन्ज्योसोमदा डान्मुला !
चु ताम सेम तिङसे प्रासाल्बा हिन्ना च्याङ्बा
तिल्दा चुदे ल्हाना चेगाइ लाजि एदा
ङादान थाहा आरे !
ह्रेच्छाकरिन सेम बोल्मुला
ह्रेच्छाकरिन डान्बा खामुला
डान्बाजुगुला गोरगि कोरुवा
क्युर्सिन टिला ङालान ङामरिकेर
चेगाइ बिबा चुराङ्बा मुतानाम
आहिन ङाला च्याङ्बा !
चु जाम्बुलिङरि ज्योमोलिङरि
लानि दिनिला होइसेर दोसि टिगाइ
गान्दिला साङ्साङबा क्युइराङ
सिल्बा सिल्ला दोसि टिगाइ
गोरगि जेबा म्हाङ थोसि ब्राबा
ङाला सेम ह्रो ङाला च्याङ्बा !
दारेम ङाला मिग्याम
खाइमाइ खाइमाइ थारेङ अताउ ह्य
ल्हुइला ग्यालामरी खाबा लाबा लुङ्सोरकादे
छ्यमनोन नाला सेमला स्हुकादे
छ्यामनोन क्रेला दोखाङ्ला छार तेन्पोकादे
ङिमा धावा ह्राङ तासि
मुदिङरि फेसि चिगाइ
सालिङरि नार्गापाङ ह्राङ ह्रासि चिगाइ
जाम्बुलिङरि ए ङाला चेगाइला दोङ्बो
चेगाइला दोङरापला हिगिरि ए ङाला
मिन ब्रिसि थान्ना
केवा केवा दोनागि डान्बाला गोर गि चेगाइ ।
याम्बु ,बौद्ध
(छिगला अर्थः चेगाइ– माया, स्हु– दुःख ।)
तपाईको प्रतिक्रिया दिनुहोस