तिरे कुनु  चु शहरला सिंहदरबार 
ङाला नाम्सारि दोखाजि ओङ्जि 
म्हाजि ङाला  आमाला 
ल्हुइला रहरकादे, 
फेट टाङ्जि सोबा म्हाङकादे ।

ब्योङ्जि मिख्लिला गान्दि 
दुङाङ थेन रङला बैँस कादे देप्जि 
म्हासि निजि पेङ्दोर्जेला नाम्दार
डाम्फु ह्राप्पा याकादे 
खाइ खाल्से पाङ्खाम्ला 
तिनि चु नाम्सारि ह्याङ्ला दोङराप स्हेङ्खेन 
पेङदोर्जेला राप 
खाल्से ब्रिला रेन्जेन दोर्जे म्हेमेला काइरान 
खाल्से गोला ताम्सालिङ्ला ह्वाइ  
म्हासि फुप्सि निबान मुला 
आखेसे सेङ्बा गोन्बो थेन म्हानेकादे 
तामाङला हिगिकादे 
फुप्सि निजि 
आपाला ङ्हो राङ्बा  ह्वारिला गेङ्कादे 
ङाला मामसे सुसि थान्बा
फ्रेङ्बाला दोङेकादे फ्यासि ब्याङ्जि  
ङ्यानो एनिकादेसे 
ङानिला का थेन टु थुङ्सि छोसि ब्राबा ए 
एसे ग्लेखाङ सेङ्गे  बिबा थे ग्ला 
एला आपला पुर्गाङ आहिन 
थेम ङाला आपाला ग्रेनग्रेन  कु हिन्ना 
ङाला आमला सालसाल्बा ङ्हो हिन्ना 
ङाला आखेला नाख्रु सिप्सि सिप्सि 
दातेइ ङानिदा सिप्पारि म्हाइबान मुला 
ङाला नाना आङाला दिङकादे चुङ्सि
रे दाङ्सेन ब्यान्सि टिजि पेजाङ 
एनिला लोबोन बिबाकादेसे 
ओन्छ्यान क्राबान क्राबान 
मिख्लिला न्हान सेङ्जि थेनिकादेसे 
खाउ तिनि तामलाइ ङातेन छ्याम 
राप्पा मुला 
एला ओन्छाङ ङा
गोर गिक तामाङला जामे 
छेबारि तयार मुला एला सेमताम थेन 
ए लासि टिआम्याङ 
ङाला ह्युल स्हेङ्बारि 
ह्युल्बादा ह्याङ्ला ताम थेना लाबारि 
चुदे दुइरि ङाला म्हेमेला काङ्ला 
डोबकादे म्हाइबान म्हाइबान 
ङाला मामला मिख्लिसे बाम्बा 
साप्रा म्हाइबान म्हाइबान 
दोगामुला चु नाम्सारि तिनि
चुनोन नाम्साला कुरि 
दोसिन सोबारि बुद्ध चित्ताला दोङ 
चुनोन नाम्साला थोबोरि ख्याप्परि लुङ्दार 
नाम्सा गुङ्ला पाङग्यालरि 
क्याबारि गोरगि दाज्र्यु ।
बौद्ध, याम्बु