ख्रे लाला छेपागि
छार दिङ खाजि ह्युल्बाकि
लुङता दाज्र्यु रेरि लिप्सि
दिम, ख्राङ्गा चाङ्मा लासि
नेदा सिब्दा डान्सिनाम
फोला डाला ग्रेन्सिनाम
खाउ खाउ फोक्नोन ह्रुपतागाइ
ल्होछार दाङ्गे सेम ताङ्गे ।
दाइगो खाप्स्यो दाइगो गेङ
कोरोरो गेङ थेन बाबर गेङ
सेगे माम म्हेमे ओन्साङरि
फ्यालाबा छेलाबा दिम न्हाङरि
ल्होछार दाङ्गे सेम ताङ्गे
दिङरि तिरेम खाबा चु प्रिबा
कादे ज्याबा सेम फुरताङ्बा
खाउ खाउ फोक्नोन स्यागे
ल्होछार दाङ्गे सेम ताङ्गे ।
ह्याङ्ला रिमठिम ज्याबा चिम
ह्राङ्लान छ्याोइ चाङ्मा चिम
तामाङ ताबारि क्राबाङ म्हान्सि
ल्होछार दाङ्गे सेम ताङ्गे ।।
डुवर्स, भारत ।
तपाईको प्रतिक्रिया दिनुहोस