खाइमागि म्राङ्ला
ह्राङ बिमा नोबा ह्राङ्ला क्रिपजुगु
तासाइ म्लेला आदे म्हिसे चु ताम–
क्रिप निजि बितेमा
ह्राङ्ला नोबा आनो !
केवाला रंगमञ्चरि 
दिनि–क्रिपला अभिनय मुला,
चुह्राङ्बारि भ्रमित ताबारि खाम्ला खाजिबाइ दुइ
खाजिबाइ खाजिबाइ दुइ, आखिबाइ क्रिप
स्वभाविक ताबारि खाम्ला चु ।

दुइला गतिरि
क्रिपजुगुम ल्हाना–च्याङ्ना ताला
तासाइ म्हिला नोबा नोबारि 
मुतेबा दिङ ल्हागाब ताला, 
म्हिदा चु ताम थाहा तातोला
नोबा च्याङ्बारि तासाइ
कादे दुइ ल्हागाब आता !

चोदे ह्राङ्ला नोबा दाप्बा रहर मुसाम एदा
ऐना ङ्हाच्छा राप्थान्गो ह्राङ्दा
थेरि तिलोगि राप्बा मुला एला ङोन्छाङ
या छ्याप्सि चिबा म्हिजुगुला ताँती,
ओम स्यान्दो पट्टि ए मुला स्यान्दो खालाइला ङोन्छाङ
थेनोन लिरि या ङ्हि थुइसि
सायद थेदुइरि जेक्खे ताबारि खाम्ला एदा
एला ह्राङ्ला देन्बा नोबाला अनुमान !
एला न्हाङ्ला अभिमानला अनुमान ।।
मिरिक, दार्जीलिङ, भारत ।
(छिगला अर्थः नोबा– उँचाइ/अग्लो, क्रिप– छाया/आकृति, दिङ– उमेर, या छ्याप्सि– करबद्ध ।)

दोःबा : यकिना अगाध