ल्होछार 
म्हेमे आखेसे 
तेन्सि थान्जि
ल्होछार 
म्हेमे माम से 
ओन्सि थान्जि 
दिङ ज्याबारि 
खाम च्याबारि
ङ्हाच्छला ल्हो नुप्जि
छार ल्हो चुजि
नाम्सा नाम्सारि
देसान मसान 
आखोरगाइ बिसि
म्हेमे आखे क्योङ्सि 
साङ्गेदा डान्सि
दिम सिल्सि
आलुम तेमे गेङ
म्हरमेन म्रासि
दाज्र्यु लुङ्ता क्यासि
बेनादान ज्याबा 
तागाइ बिसि
खेप्पा खुयु थेन
ग्रेन म्हिला
मोलम तासि 
गोइलो क्वान्सि
म्हार म्हेन्दो
म्हार ढुङ्री 
ब्युरु थेन 
मठि क्वान्सि 
डोन्बो क्योङ्सि
व्हाइ कोसि
डम्फु ह्राप्सि
ज्याबा स्हे चासि
छार ल्होरि ज्याबा
तागाइ बिसि
मोलम तासि 
ल्होछार 
म्हेमे आखेसे 
तेन्सि थान्जि
ल्होछार 
म्हेमे मामसे 
ओन्सि थान्जि
ल्होछार 
ह्याङ्से छार्नालाइ
ह्याङ्से ल्हेनालाइ
कोेलाजुगुदा थेनालाइ
कोलाजुगुदा सेनालाइ ।