वर्गीय शोषण थेन दुल्बा नुप्ना लाबारि
भ्रष्टाचार थेन कुशासनला टा ख्वाबारि
प्राङ्बो क्योङ ह्युल्बातदा ह्युलरिन गे पिन्सिगेन
छार ह्युल्सा थेन छार प्राङ्बोला ह्युलठिम स्हेङ्बारि
ब्रान्जिमुला ह्युल्से क्रान्तिकारी सरकार ।
ह्युल्ला सार्वभौमिकता थेन ह्राङ्बाङ क्योप्पारि
सुस्त कालापानीग्याम्से भारतीय विस्तारवादला सेना ताप्पारि
स्योङ गाङ क्युइरि छ्याचिबा
भारतीय एकाधिकार पुँजीला हैकमदा नुप्ना लासिगेन
सन् १९५० ला ह्युलघाती च्योच्यो आरेबा सन्धि खारेज लाबारि
ब्रान्जिमुला ह्युल्से क्रान्तिकारी सरकार ।
सुगौली असमान सन्धि खारेज लादोला
वीर सहिदकादेला काला दोङराप दोसि ह्याङ्से ब्रिदोला
भारतीय विस्तारवादला प्लेबानाङ्बा थेन
अमेरिकी साम्राज्यवादला म्हिसाइपाः थेन विध्वंसला लिब्रोरि
जाम्बुलिङला न्यायप्रेमी ह्युल्बातेन छ्यामनोन डिक्सि ह्याङ रेदोला ।
निर्मला पन्त, मदन भण्डारी थेन बिरेन्द्रला हत्यारादा चुङ्बारि
अफताब अलाम ह्राङ्बा छोम्बोन म्हि ख्राङ्बा
राक्षसकादेला कुशासनदा जिन्ना लाबारि
न्यायरि लाब कुग्याप थेन लेबाफेबा जिन्ना लासिमाम
कानुनी शासन थेन सुशासनला सुसंस्कृत ह्युल स्हेङ्बारि
ब्रान्जिमुला ह्युल्से क्रान्तिकारी सरकार ।
शिक्षा, स्वास्थ्य निःशुल्क लाबारि
प्राङ्बो नोन प्रजातन्त्र याङ्बारि
उत्पादनला साधन सामाजिकीकरण लासिकेन
प्राङ्बोला स्वर्ग समाजवादी डिछ्या बासिकेन
ह्राङ्लान काङरि राप्बा स्वाधीन ह्युल स्हेङ्बारि
ब्रान्जिमुला ह्युल्से क्रान्तिकारी सरकार ।
प्रतिक्रियावादी थेन ह्युलघाती शासकदा स्युर्बारि
प्राङ्बो ह्युल्बादा छे ग्याम्से मुक्त लाबारि
नक्कली कम्युनिस्टकादेदा जिन्ना लासिमाम
सक्कली कम्युनिस्ट थेन समाजवाद ओन्बारि
ब्रान्जिमुला ह्युल्से क्रान्तिकारी सरकार ।
काभ्रे
(छिगला अर्थः दुल्बा– दमन, म्हिसाइपाः– नरसंहार, कुग्याप– पक्षपात, लेबाफेबा– भेदभाव, डिछ्या– व्यवस्था ।)
तपाईको प्रतिक्रिया दिनुहोस