केबा पिन्ना
गाङ्साल का
गाङ्साल स्या
ल्हुइरि खार्ना लासि
छार्ना लाला
आमाजुगु साजाम्बुलिङ हिन्ना ।
गाङ्साल फो चासि
गाङ्साल म्हुन म्हेर्सि
गाङ्साल क्लि, च्याम थुङ्सि
गाङ्साल या क्रोना लासि
छार्ना लाला
आमाजुगु साजाम्बुलिङ हिन्ना ।
ह्राङ्ला रहर
सेमन्हाङरि छुम्सि
सन्तानला लागि
ताङ्बा ग्लुसि
बाला
आमाजुगु साजाम्बुलिङ हिन्ना ।
कादे स्हुखासाइ नोन
कादे स्हु याङ्साइ नोन
कादे पीर तासाइ नोन
नासि चिला
आमाजुगु साजाम्बुलिङ हिन्ना ।
(छिगला अर्थः साजाम्बुलिङ– धर्ती, स्हु– दुःख)
दोःबा : यकिना अगाध
तपाईको प्रतिक्रिया दिनुहोस