आमा 
ह्राङ्ला का थेन मिख्लि पिन्सि
लाइनुदा कुरि किन्ना । 
हिन्बान
थे का थेन मिख्लिला साइ
दुनियाँला
खाजिबाइ अंकसे उन्बारि संभव आताबा चिम । 
थेतासि
आमाला महत्व ब्रिसि पाङ्आखाम । 
आमाला म्हाङ
उन्नति, प्रगति थेन ताङ्बाला बसन्तरि 
सन्तान
आनन्दला म्हेन्दोरि मस्त क्लाङ्चिबा
सिल्बा लानिरि 
शान्त तासि ताङ्सि म्हेर्खाम्बा । 
समाजला गुङरि 
प्रतिष्ठाला धराहरा दोसि राप्बा !
राष्ट्रला मिरि
डान्बाला ग्युरुरि च्योबा । 
म्हान्ना चुह्राङ्बान
केकेबा थेन ग्रेन म्हाङ आमासे म्राङ्ला । 
विचित्र जाम्बुलिङरि नोन मुला
आमासे
सन्तान जेलला डेङरि डुङ्बा !
थेनोन दुुइरि 
अपमान थेन बेइज्जतीला करौतीसे
न्हे थेन तिङ ग्रेबा नातोबा । 
फिरग्याप ह्युलरि 
टुसे बाम्सि न्यास्रोरि टोलाप ताबा दुइ
ओते जेक्खे आहिन
कात्रोरि रिल्सि एयरपोर्टरि दोगाबा दुइरि । 
थेनोन आमासे
दोसि स्हुरि क्रोतोबा । 
हिन्बान ! सन्तानला लागि
आमाह्राङ
स्हु थेन सुखरि क्राबा थेन ङेबा खालाइ आता । 
मुतेबा आमाला
ताङ्बा थेन सुखला लागि
आमा ख्वाबा थुमथुमला ज्याबाम्हान्बा ।

दोःबा : यकिना अगाध