आमाला ङादा मोलम मुला 
थेतासि
आमादा मुतेबा स्हे थाहा मुला । 
केमा क्राबा काइ
क्रामा, ङेमा, फोकख्रेन्मा
ओम म्रेन्बा दुइला आकार । 
ङाला चंचलता, चुल्बुलता
अभाव थेन प्रभाव
विफलता थेन सफलताला
काकार अनुमान अनुभव
ओम भावला चाङ्मा आकलन ताला आमादा ।

आमादा मुतेबा स्हे थाहा मुला 
ङाला ताङ्बा थाहा मुला । 
ङा ह्रोतेन जाजारि 
खानाङ खानाङ निसि ल्हाना दुइ क्लाङ्मा
ह्राङ्ला दिमरि निबारि म्लेमा
आमा यारि सिर्कना बासि
ङादा म्हाइबारि खामुबा । 
ङा ह्रोतेन क्लाङ्मा ओम क्लाङरि प्लुम निमा
आमासे क्रास्याला बोमो
थेन याला सिर्कना म्लेमुबा ।

सन्तानला सेमला भाव
आमाला सेमरि थुइबा तामुला । 
थेतासिमि आमादा ङाला मुतेबा स्हे थाहा मुला 
आमादा ङाला स्हुखाबा सेम थेन नाख्रु थाहा मुला
सेमरि प्लिङ्ना लापिन्बा सान्त्वना
ओम ल्हुइरि ल्हागाब लाबा मलमपट्टि थाहा मुला ।

आमादा थाहा आरेबा तिगाइ आरे । 
ङा कुटिसि चिबा लाबा
नुप्बा भावना
ओम आथेबा चाहना थाहा मुला ।

आमादा डान्बाकेन लामा ... चु डान्जि
ङादा आमाला ममता थेन चेगाइ मुला 
गिक्गे आछोर खाइमाइ
ङातेन खाइमादाम्मान आमाला क्रिप मुला ।

आमाला ङादा मोलम मुला
थेतासि
आमादा मुतेबा स्हे थाहा मुला ।

दोःबा : यकिना अगाध