हिन्दुसे बिमुला–
हिन्दुत्व लोङ्बारि मुला ।
मुस्लिमसे बिमुला– 
इस्लाम लोङ्बारि मुला ।
बौद्धसे बिमुला–
बौद्ध लोङ्बारि मुला ।
सिखसे बिमुला– 
सिख लोङ्बारि मुला ।
क्रिश्चियनसे बिमुला–
ईसाई लोङ्बारि मुला ।

दाम्पेला मिस्यालसे
मोक्कोनसे बिमुला–
दाम्पे लोङ्बारि मुला ।
ला, छ्योइ लोङ्बारि मुला ।

ह्युल्बाला सुङ्से
मोक्कोनसे बिमुला–
ह्युल्बा लोङ्बारि मुला ।
दामाम खालाइसे आपाङ 
मिकादे लोङ्बारि मुला ।
खालाइसे आपाङ– 
जम्बुलिङ लोङ्बारि मुला ।
खालाइसे आपाङ– 
ह्रो, क्वाइ लोङ्बारि मुला ।
मि मारमिन्छम लोङ्बारि मुला ।
ङोनग्याम स्युतो ले
दाम्पे थेन छ्योइला मिस्याल
ह्युल्बा थेन ह्रुइला मिस्याल ।

दाम्पेसे आपाङ–
राङ राङरि इबी थान्बा
दाम्पेसे लोप आखाम
कोङ्जेन मुबा 
लालाङ मुबा
मि हिन्ला ह्याङ मोक्कोन
मिदा सो थान्बा ।
डुवर्स, भारत ।