दुन्छुर बोन ताबालान कारण
तामाङ दोङरापला
काव्यजुगु सुङरिन कन्ठ मुला
ठुङ्सा, बाप्सा, फ्राल्साजुगु
म्लेबा आरे
चुरि मिन, ह्रुइ, जात थेन धर्म पोबाजुगु नोन
अधर्मला गुरु हिन्ना ।
कामी थेबासे
चकमक, गोजा, हाङ्सु, कचिया
तरबार, खुँडा, भरुवा टुबाक स्होबालान कारण
किसान राज्य मुबा
नाम्सा बस्ती बस्तीरि ।
मारिचे सार्कीसे
म्हेला डि थासि डा थेन स्होन्बो
स्होबालान कारण
खोल्मा गाङला तामाङजुगु
केनस्याङ्बोजा निमा कोसेली पुइसि
जन्ती निमा लाखाम क्वान्मुबा ।
हाप्लुगे दमाइला
कल मेसिनसे क्वान डुप्बालान रे हेन्से
कट्टु क्वान्मुबा
आङ्रे क्वान्मुबा
माबाररि क्यारला म्हिजुगु
दार्से जेक्खे
बहुराष्ट्रिय ठेकेदारजुगु
राष्ट्रवाद ताम लाला भाषणरि ।
(व्हाइखाब्रिखेन फूलकुमार बम्जन दातेला चर्चित काइपा थेन तामाङ डाजाङला चोहो हिन्ना ।)
दोःबा : यकिना अगाध
तपाईको प्रतिक्रिया दिनुहोस