ठाला ग्युइ, पिन्ना अर्ति म्हान्सि ह्राङ्दा बुद्ध
लाला पाप, ख्लाला धर्म सेमनोन आरे एला शुद्ध ।
डेन म्हाइला नोबा तासाइ तिङ तिल्दा कुम्बा ?
छेप्ला बाण, ताकतिसि मर्मदा ल्हागाब लासि क्वाइ लेङ ।

गोबा मुला ओम एसे तिगा हिन्ना एला थे सभ्यता ? 
ह्राङ्नोन सेबा, ह्राङ्नोन थेबा तासाइ सुन्य मुला बिज्ञता । 
चोदे सचेत हिन्ना बिसाम कर्म लाला तिल्दा चुह्राङ्बा 
ङानोन ज्याबा, ङानोन ठिक स्यान्दो आज्याबा म्राङ्बा ए खाराङ्बा ?

ङा ख्योल्बा मुला कि आरे, दुइसे उन्सेला मुला
ङाला ह्रिक्पा तिरेकुनु दोङरापसे ब्रिसेला मुला । 
ह्राङ्दा चाङ्मा उन्बा चु खाराङ्बा चाल ?
सोझो मुला, इमानदार मुला, गोबा मुला एला चेगाइ जाल ।

सेम आनिबा बिला तासाइ मि ङाफिरि तिल्दा ? 
म्हाङरि नोन ङादा म्राङ्ला कि क्योङ रे । 
मुढा ताकतिबा तारिसे खाचिबाकुनु ह्राङ्दान ताकतिला
ङालाम तिगा ताम मुर्ख म्राङ्सि दैव नोन थारेङ थारेङ ह्यार्ला ।

स्यान्दोसे तेनपिन्तोबा तासाइ एला चेतना खाइ ?
भड्काप तासि ब्राला दुखि आत्म तिल्दा सातान क्रासि ? 
द्वेष जेक्खे मोर्ला सातान कोन्ज्योसोम बुद्धला मिनरि 
स्वार्थ ख्लागो आवेग ख्लागो वाङ्गो सफल ताबा गेरि । 
(छिगला अर्थः देन्बा– सत्य, ख्योबा– छल, ठाबा– बाँड्नु, कुम्बा– संकुचित, मोर्बा– साध्नु, क्वाइ– साइनो ।)

दोःबा : यकिना अगाध