तिरे कुनु, 
थेन्से ङादा ग्यालाम काजि
हतकडी ल्हागाब लासिन ख्लाजि
ङाला ल्हुइदा खिजि, ङाला आत्मा
ङाला मुतेबा स्हेदा...
थेलिच्छा थेन्छे हुकुम छेप्जि, ‘चुला तलासी लाउ !
ह्याङ्से चुला ल्हुइग्याम याखारगि आतंकवादी प्रमाण स्याप्नोन तोला ।’

थेन्से ङाला तिङ्दा
माङ्ग्यार तेबारि म्हाइजि 
थेह्राङ्नोन लासि ङाला मिजुगु नोन, 
ल्हुइला न्हाङन्हाङ दोना ट्वाइजि, ङाला भावना दोनादा । 
ङाला मिजुगुरि थेन्से प्रेरणाला सुत्रजुगु जेक्खे स्याप्जि
ङाला तिङरि वर्ग विश्लेषणला योग्यता क्षमता स्याप्जि ।

ओम लोङ्सिकेन थेनि ङ्हार्बारि चुजि, ‘सावधान !
चुसे न्हाङरि खानाङ्ए हतियार छुप्बा तातोला
ह्राङ्ला कट्टु व्हा न्हाङ्ला खल्तिरिक्यार
चुला क्योङ खानतलासी लाउ 
तिगाइ विस्फोटक थान्बा तानोन तोला ।’

हिन्ना, थेह्राङ्नोन लासि थेन्से ङादा लिखन्डि स्होसि जाँचतिजि...
लिच्छारि, तिगाइ आयाङ्साइ नोन, ङादा पाले लासि पाङ्जि–
‘ह्याङ्से तिलाइ दसीन आस्याप्नि होइ !
थेला खल्तिरि जेक्खे छिगकादे जक्खे स्याप्जि 
पाजी याखारगि व्हाइखा !
थेबिमा तिगाइ आस्याप्नि ।’
(दारीन तातुर प्यालेस्टाइनी व्हाइखाब्रिखेन, राजनितिक–सामाजिक कार्यकर्ताला छ्याम स्योनाम (संचारकर्मी) हिन्ना । सन् २०१८ रि थेसे सामाजिक संजालरि याखारगि व्हाइखा युमाहेन्से हिंसा भड्काप लाबा थेन अमुक आतंकवादी संगठनला समर्थन लाबा पालेरि चुङ्सि इजरायली अदालतरि मुद्दा चलप लासि झ्यालखानारि चुप्सि थान्बा मुला । नेपालीरि दोःबा मुकेश चालिसे । कम्युनिनष्ट अनलाई ग्याम्से किन्बा ।)

दोःबा : यकिना अगाध