स्योरि दिङि फ्याजि। स्युक्पा, बर्लु पोइछे ह्राङ्कि ङोइथङ फेल्चि। नम्पु तिप्पा रङ्पा पङरि र ग्यु छ्प तिप्जि। गङगाओछेनरि स्येलेपले ल्हिङतिङ छ्याम सतर ङोन्जिम ङेत्पा तिप्जि। नोर्बुचे गोरन्हाङ ब्राक्येन नल्जि। नोस्यङ डप, मायि मात्तोर, ग्युइल ङे, असेम म्हर युजिम खु य्होजि। फोनङ क्येन चजि। म्हर्स्योङ ब्राः लङ्नले यर्टिपा, क्योम्जङ ब्लेरि नातङ, नच्युर, कस्तुरि स्याइटिपा। स्हिवाले ल्हिङ ङ्युइटिप च्याजि नोर्बुचे। यको दिङ्कोर तजि चु य्हुलरि ग्यु छपला, गोररि टिपल, ग्यु छ्नछ्न ल्हुइ डेत यर्जि। ‘ल्हुइ जोतेनो य्हिल्ला हुइ ता ?’ ङ्योइजि ह्रङ्चे ह्राङ्कि सेमतङ। चु गोरालुइ ल्हुइ, ग्युइ लिग्यम स्युर्जिम बुत्जि। प्रङ्प छोर्जि। चु य्हुल, साङ्गेला य्हुल, गते छुपल, ज्यपल, लपो पङ्खा, ल्हिङगङ ऐना, दिङि नम्पु मेतङ, जरिबुरि मेन, जिवा जति ह्रो।तासाइ ता लसे टाङाइ बुम, म्हरकि च्याप, म्हुइकि खोरे आरे। छाह्रो नाम्सापाचे प्रङ्ना, ह्रिम्हि पङ्पा।
स्येला लप ता लसे ? नोर्बु त छेर्प खाजि। नोर्बु ह्रङ्कि तङर चुङ्जि। ग्यु पित्जिम क्योम्जङ ब्लेरि ल्हेतिजि। गङरि पुलि ह्राप्जिम टिजि। ग्युमा ह्रङ्कि सुरटि छि रेत्प तिप्जि। दिनगुङ तजि। ल्हिङकि खरुङ फुप्प तिप्जि। म्हरस्योङ स्येतले क्रिङ्जि। गङजोरि स्योल्दो यन्जिम नोर्बु मिथप अतनेल्या च्याजि। स्योङ छ्योङ्पा, यात दिङ्पा, म्हेन्दो सर्पा, गोरालुचे व्हाइ कोपला ङ्यान्जिम च्याजिम नोर्बुचे बोमसाङ व्हाइ गि कोचि- ‘ओ ले साङ्गेल नाम्सा य्हुल जम्बुलिङ कोर्पिनो/ङा म्हिला कोला कि दुङल त स्योङचे बोर्पिनो...।’ व्हाइचे गङ लङ्जि। क्योम्जङरि ब्रारि केत ठोक्जि हलङ्लङ्लङ!दिङि मनुङजो फेतयम्जि।
ओल्फाक्योर म्हरस्योङ दुङ्जि। स्योङ खन रोत्जि नोर्बुतङ था आरे। स्योङ गुङरि म्हरकि दा मिः सेत्नल्या सर्जि। चु ता उत्तरा तजि। थेचे ज्येनल्या च्याजि। सेमन्हाङ म्हेन्जि, चु मौका य्हिन्प बारु (फ्युक्पा) तसे। स्युपचे गोज तेत्जिम छ्योङ्जि स्योङ गुङरि। गोजचे म्हरकि दातङ खम्पे बङ्चे तिखेप तम्चि। म्हरकि तक छ्याम्प गि सरि तेजि। थेचे दुतजिम ग्रुपटि युजि। रोत्पे स्योङ युला बि लोङ्जिम ग्योन ग्योन ङमरि खजि। म्हर यङ्जिम यको यको तङ्जि। स्योङ कि म्हर थम्जे नो बबरि थे सेम तजि। दोःसिनो क्योम्जङ थेल मिः दोजि। स्योङ दपम आयु। रोप्पल मुपा। यको यको म्हर बाथोजि पङ्जिम दोःसिनो स्योङ गुङरि ङिजि। गोजाछे म्हरकि दा थाजि। म्हरकि दा नाप तिप्प चे मुपल हुत्त स्योङ युजि। नोर्बु स्योङचे नाजि। खोरोरोरि खन छुत्जि पत्ता आरे। ल्हलुचे थे त योपदोःना म्हर पिन्पल। थेचे हिदा लचि। नोर्बुल जिया चोले यर्चि। थेल ग्यु गोर अलपत्र तचि।थेत ह्रोमाचे म्हेजि। खन्यानो अयङ। गङरि छर्जि, स्योङरि म्हजि। साङ्गेचे सुङ्पा- लोप, मोह, अहङ्कारत ख्लाको म्हिला ल्हुइ आनन्द तप। सुख शान्ति तप।
खनियाबास-३ ब्युर्चेत, धदिङ।
तपाईको प्रतिक्रिया दिनुहोस