तोर्सेग्याम हाकिमला सरुवाला चिठी खाजि । न्हाङ्गारदाङहेन्से कर्मचारीजुगु ग्रेन ग्रेन काइसे हाकिमदा केबारि चुजि ।
गिक्खेसे बिजि, ‘चु हाकिम राङ्बा निर्दयी खालाइ आम्राङ्नि । दारे निसेला ताजि, ज्याबा ताजि ।’
स्यान्दोसे काप्जि, ‘घुस कादे चाला ले ! कादे मुसाइ आछ्योबा । सुका गि सुताइ आस्याप्साम तासेला दारेम ।’
झन स्यान्दो फिर्जि, ‘सरुवा जेक्खे ताजिम । खारेजीलान चिठी खातोमुबा । म्राङ्सेला मुबा आपाला ब्रेल्साङ ।’
चुला तिलाइ रेलिच्छा तिक्खुरि हाकिमला सरुवा रद्द ताबा स्यान्दो चिठी दोगाजि । न्हाङ्गारदाङ हेन्से थेनोन कर्मचारीजुगुसे हाकिमसे थेबा लासि प्रशंसा लाबारि चुजि ।
‘चु हाकिम ह्राङ्बा दयालु खालाइ म्राङ्बा आरे । सरुवा आतानि, आउदिन ज्याबा ताजि ।’
‘घुस बिबा चानोन आचाबा खाराङ्बा इमानदार । मुतेबा चुह्राङ्बा तापिन्साम ।’
‘खाजिबा बेफकुफ चिम सरुवा लाबारि म्हाइबा । दातेचा थाहा याङ्जि ताला ले ।’
दोःबा यकिना अगाध
तपाईको प्रतिक्रिया दिनुहोस