युवा घेदुङ, सुन्दरहरैचा नगर, मोरङला माघ १९ गते सांस्कृतिक गेताङ
२०८१ माघ ८, मंगलबार २०:३३ मा प्रकाशित
नेपाल तामाङ युवा घेदुङ, सुन्दरहरैचा नगर कार्यसमिति, मोरङसे ल्होछारला दुइसाङरि सांस्कृतिक गेताङ्ला ङ्योइसाङ लाबा मुला । गेताङरि राष्ट्रिय कलाकार सागर एस. वाईबाला थेन स्थानीय कलाकारजुगुसे प्रस्तुती थान्सेला मुला ।
युवा घेदुङला सुन्दरहरैंचा नगर चोहो सोनाम सिङ्दानला आन्सार मन्जुश्री सम्वत् २८६१ ला डुल ल्होला सोनाम ल्होछारला दुइसाङरि स्हेङ्बा चु गेताङ माघ १९ गते तासेला मुला । गेताङ स्ह्योला ११ ङ्ह्यामाहेन्से गछियाला क्लाङ चे (खेल मैदान)रि तासेला मुला ।
युवा घेदुङ, सुन्दरहरैंचाला नगर गौराइ रिता डुम्जनसे मोरङला तामाङजुगुला गेताङरि दोगाबारि म्होइजेन लाबा मुला ।
तपाईको प्रतिक्रिया दिनुहोस